އިންޑިއާގައި ކޮވިޑް19ގެ ދެވަނަ ރާޅު ފެތުރެމުން ދާއިރު ބައެއް ސަރަހައްދުތަކުން ކޮވިޑް19އަށް ފައްސިވާ އަދަދު ދަށްވާ ކަން ފާހަގަ ކުރެވެއެވެ. ދިއްލީ، މަހާރާޝްޓްރާ، ޗައްޓިސްގަޅް، މަދްޔަ ޕްރަދޭޝް، ތެލެންގާނާ، އަދި އުއްތްރަޕްރަދޭޝް އިން ފައްސިވާ އަދަދު މިދިޔަ ހަފްތާތަކުގައި މަދުވާ ކަން ފާހަގަ ކުރެވެއެވެ.
ކޮރޯނާ ކޭސްތައް އެއްވަރެއްގައި ހިފަހައްޓާ ސްޓޭޓްތަކުގެ ތެރޭގައި ގުޖުރާތާއި، ބިހާރާއި ޖަރްކަންދް ހިމެނެއެވެ. މި ސްޓޭޓްތަކަކީ، އެންމެ ބޮޑަށް ބަލި ފެތުރި މިއިން އަސަރު ކުރި ސްޓޭޓްތަކެވެ.
އިންޑިއާގައި ކޮވިޑް ފެތުރުން ކޮންޓްރޯލް ކުރުމަށް، އެމެރިކާއާއި ޔޫރަޕާއި ރަޝިޔާއިން ވެސްވަނީ ވަރަށް ބޮޑު އެއްބާރުލުމެއް ދީފައެވެ. މުޅި ދުނިޔޭގައި ކޮވިޑް ކޮންޓްރޯލް ކުރުމަށްޓަކައި އިންޑިއާއިން މިކަމުގައި ކާމިޔާބު ވުމަކީ މުހިންމު ކަމެއް ކަމުގައި މި ގައުމުތަކުން ދެކެއެވެ.
