ވެކްސިންގެ އިންޓެލެކްޗުއަލް ޕްރޮޕަޓީ ރައިޓްސްއަށް ލުޔެއް ދިނުމާ ބެހޭ މަޝްވަރާތައް ފަށައިފި ކަމަށް އިނގިރޭސިވިލާތުން ބުނެފިއެވެ. އިނގިރޭސިވިލާތުން ބުނިގޮތުގައި ލަންޑަން އިން މި މަޝްވަރާތައް ފަށާފައި ވަނީ، އެމެރިކާއާއި ދުނިޔޭގެ ވިޔަފާރި ޖަމުއިއްޔާގެ މެމްބަރުންނާއެކު ގައެވެ.
އިންޑިއާއާއި ދެކުނު އެފްރިކާއިން ގޮވާލާފައި ވަނީ ވެކްސިންގެ ފިކުރީ ހައްގަށް ލުޔެއްދީ، ފަސޭހައިން އަގުހެޔޮކޮށް އެހެން ގައުމުތަކަށްވެސް މި ވަބާގެ ވެކްސިން އުފެއްދޭ ގޮތަށް ފަހިކޮށް ދިނުމަށެވެ.
މިކަމަށް އެންމެ ފުރަތަމަ އިޖާބަ ދިނީ، އެމެރިކާއިންނެވެ. ނަމަވެސް އިނގިރޭސިވިލާތާއި ޔޫރަޕްގެ އިއްތިހާދުން މިކަމާ މެދު ޝައްކުގެ ނަޒަރަކުން ބެއްޔެވެ. އެއަށްފަހު އެންޖީއޯތަކުން ފިއްތުންތައް ކުރިމަތި ކުރުމާ ގުޅިގެން އިނގިރޭސިން ވަނީ އެމީހުންގެ ވިސްނުން ބަދަލުކޮށްފައެވެ.
މަދު ވެކްސިންތަކެއް ލިބެން ހުރިއިރު އަދި މަދު ގައުމުތަކުން މި ވެކްސިން އުފައްދާ އިރު، ބައެއް ފަގީރު ގައުމުތަކަށް އެއްގޮތަކަށްވެސް ވެކްސިން ފޯރާފައެއް ނުވެއެވެ.
