ދުންފަތުގެ ވިޔަފާރިން ލިބޭ އާމްދަނީ މަދުވުމުން، މަސްތުވާތަކެތީގެ ބާވަތެއްކަމަށްވާ ކެނަބިސްގެ ދަނޑުވެރިކަން ކުރަންވީ ކަމަށް މަލާވީގެ ރައީސް ވިދާޅުވެއްޖެއެވެ.
ޕާލަމެންޓާ މުޚާތަބު ކުރައްވައި ވާހަކަ ދައްކަވަމުން ރައީސް ލާޒާރަސް ޗަކަވޭރާ ވިދާޅުވީ މިއަހަރުވެސް އެގައުމަށް ދުންފަތުގެ ދަނޑުވެރިކަމުން ލިބޭނީ 200 މިލިއަން ޑޮލަރު ކަމަށެވެ. ދުންފަތުގެ ދަނޑުވެރިކަމަށް ބަރޯސާވާ މަލާވީއަށް އަހަރަކު 350 މިލިއަން ޑޮލަރު ދުންފަތުގެ ފަތް ވިއްކައިގެން ލިބެއެވެ.
މިދިޔަ އަހަރު މަލާވީގައި ބައެއް ބޭނުންތަކަށް ކެނަބިސް ވަނީ ހުއްދަ ކޮށްފައެވެ.
ރައީސް ޗަކަވޭރާ ވިދާޅުވީ މިހާރު ދެން ކެނަބިސްގެ ދަނޑުވެރިކަން ކުރަންފަށަންވީ ކަމަށެވެ.
