ޗައިނާގެ މަސްބޯޓްތަކުގެ މިލީޝިއާއިން ފިލިޕީންސްގެ ކަނޑުގެ ސަރަހައްދަސް ވަނުން ހުއްޓާލާއި ނުވާކަމަށް އެގައުމުން ބުނެއެވެ. ފިލިޕީންސްއިން ވަނީ މިމައްސަލާގައި ޑިޕްލޮމެޓިކް ފިޔަވަޅުތައް އެޅުމަށް ކަމާ ބެހޭ އިދާރާތަކަށް އަންގައި މައްސަލަ ފޮނުވާފައެވެ.
ފިލިޕީންސުން ބުނާނީ ޗައިނާގެ 287 މަސް ބޯޓުން އެއްފަހަރާ ކަނޑުގެ ސަރަހައްދަށް ވަދެ މަސްވެރިކަން ކުރަމުންދާ ކަމަށެވެ.
ދެކުނު ޗައިނާ ކަނޑުގައި ޗައިނާއާއި ފިލިޕީންސްގެ ދެމެދުގެ މައްސަލަ ފިލިޕީންސުން ވަނީ އިންޓަރނޭޝަނަލް ކަނޑުގެ ޓްރައިބިއުނަލްއަށް ވެސް ހުށަހަޅާފައެވެ. 2016 ގައި އެ ޓްރައިބިއުނަލްއިން ހުކުމް ކޮށްފައި ވަނީ ފިލިޕީންސާ އެއްކޮޅަށެވެ. ނަމަވެސް ޗައިނާއިން އެހުކުމަށް ތަބާ ނުވާނެ ކަމަށް ބުނެ ގޮންޖަހާފައި ވެއެވެ.
ފިލިޕީންސާއި ޗައިނާއާ ދެމދު ދެކުނު ޗައިނާ ކަނޑުގެ ސަރަހައްދުގެ މައްސަލަ ސުލްހަވެރިކޮށް ހައްލުކުރުމަށް މެނީލާއިން މިދޭތެރޭން މަސައްކަތް ކުރިއެވެ، ވިޔަފާރި މަސްލަހަތަށްޓަކައި ރަނގަޅު ގުޅުމެއް ބާއްވަން ބޭނުންވެގެން ފިލިޕީންސުން ކުރި މަސައްކަތުގައި ދުވަސްތަކެއް ހިމޭން ކޮށް ދިއުމަށްފަހު އަނެއްކާވެސް ވަނީ ސަރަހައްދީ މައްސަލަ ހޫނުވާން ފަށާފައެވެ.
