އުތުރު ކާބުލްގެ މިސްކިތެއްގެ ތެރޭގައި މިއަދު ދިން ހަމަލާގައި ހަތަރު މީހުން މަރުވެ، 20 މީހުން ޒަޚަމް ވެއްޖެއެވެ. ކާބުލް ފުލުހުން ބުނިގޮތުގައި މި ހަމަލާ ދީފައި ވަނީ މިސްކިތުގެ ތެރޭގައި ގޮވާތަޖެތި ބަހައްޓައިގެންނެވެ. މި ކަމަށް އަދި އެއްވެސް ފަރާތަކުން ޒިންމާ ނަގާފައެއް ނުވެއެވެ.
ތާލިބާނާއި އަފްޣާން ސަރުކާރުން ވަނީ ފިތުރު އީދާ ދިމާކޮށް ތިން ދުވަހުގެ މުއްދަތަށް ހަމަލަތައް ބަދަލު ނުކުރާން ނިންމާފައެވެ.
މިހާތަނަށް ކާބުލްއަށް ދީފައިވާ ހަމަލާތަކަށް ޒިންމާ ނަގާފައި ވަނީ އިސްލާމިކް ސްޓޭޓުންނެވެ. ނަމަވެސް ތާލިބާނާއި އަފްޣާން ސަރުކާރުން މިކަމުގައި އެއްބަޔަކު އަނެއް ބަޔަކަށް ތުހުމަތު ކުރެއެވެ.
މީގެ ކުރިން ވަރުގަދަ ހަމަލާއެއް ވަނީ ސްކޫލެއް ކައިރީގައި ދީފައެވެ. ސްކޫލު ނިމުގަޑީގައި ދީފައިވާ މި ހަމަލާގައި ގިނަ އަދަދެއްގެ ދަރިވަރުން މަރުވެ، ހާނީއްކަ ވިއެވެ.
