އިންޑިއާގައި ޑރ. ރެއްޑީ ލެބޯޓްރީން ކޮވިޑް19 ވެކްސިން ސުޕްޓްނިކް މިއަދު ލޯންޗުކޮށްފިއެވެ. ފުރަތަމަ ޑޯޒް ވަނީ ހައިދަރްއާބާދުގައި ދޭން ފަށާފައެވެ. އެ ކުންފުނިން ބުނިގޮތުގައި މިހާރު އިމްޕޯޓް ކޮށްފައިވާ ވެކްސިން ދެމުން ގެންދާނީ ޖީއެސްޓީއާއެކު 995 ރުޕީސްއަށް ކަމަށެވެ.
އިންޑިއާއަށް ރަޝިޔާގެ ވެކްސިން ގެ ފުރަތަމަ ޝިޕްމެންޓް އައިސްފައި ވަނީ މޭ 1 ގައެވެ. އޭގެ 13 ދުވަސްފަހުން އިންޑިއާއިން ވަނީ މިވެކްސިން ބޭނުން ކުރުމަށް ހުއްދަ ދީފައެވެ.
ޑރ. ރެއްޑީ ލެބޯޓްރީން ބުނިގޮތުގައި ކުރިއަށް އޮތް ދުވަސްތަކުގައި އިތުރު ވެކްސިން ލިބޭނެއެވެ. އަދި އެއަށްފަހު އިންޑިއާގައި މި ވެކްސިން އުފައްދަން ފަށާނެއެވެ. އިންޑިއާގައި ސުޕްޓްނިކް ވެކްސިން އުފައްދަން ފަށާއިރު ހަ ތަނެއްގައި ވެކްސިން އުފައްދަމުން ދާނެއެވެ.
މިހާތަނަށް އިންޑިއާގައި އުފައްދަނީ ދެ ވެކްސިންއެކެވެ. އެއިން ބާރަތު ބައޯޓެކްގެ ކޮވިޝީލްޑަކީ އިންޑިއާގައި އީޖާދު ކޮށްފައިވާ އަމިއްލަ ވެކްސިން އެވެ.
ސުޕްޓްނިކް ވެކްސިން އަކީވެސް ދެ ޑޯޒް ޖަހަން ޖެހޭ ކެވްސިނެކެވެ. މިއީ ބާޒާރަށް ނެރުނު ފުރަތަމަ ވެކްސިންއެވެ.
