ފެތުރެމުންދާ ކޮވިޑް19 ވަބާގެ ސަބަބުން ޓޯކިޔޯ އޮލިމްޕިކްސް ކެންސަލް ކުރުމށް ޑޮކްޓަރުންގެ ޖަމުއިއްޔާއަކުން ގޮވާލައިފިއެވެ. ޖަޕާން ޑޮކްޓަރުންގެ ޖަމުއިއްޔާއިން ވަނީ ބޮޑު ވަޒީރު ޔޮޝިހިޑާ ސޫގާއަށް އެރުވުމަށްޓަކައި ޖަޕާންގެ ހެލްތު މިނިސްޓްރީއަށް އެމީހުންގެ އިލްތިމާސް ހުށަހަޅާފައެވެ.
މިޖަމުއިއްޔާއިން ބުނީ މިމީހުންގެ މި އިލްތިމާސް ހުށަހެޅީ މިކަމުގައި ސިއްޙީ ދާއިރާއިން ބަހެއް ބުނަން ޖެހޭތީވެއެވެ.
ޓޯކިޔޯ އޮލިމްޕިކް ބާއްވައިފިނަމަ، މި މުބާރާތް ވެގެންދާނީ ސުޕަރ ސްޕްރެޑާއަކަށްކަމަށްވެސް ޖަމުއިއްޔާއިން ބުނެއެވެ.
ޖަޕާނަކީ ވެކްސިން ދިނުމުގައި ވަރަށް ފަހަތުގައި އުޅޭ ގައުމެކެވެ. އޯއީސީޑީ ގައުމުތަކުގެ ތެރޭން އެންމެ މަދުން ވެކްސިން ޖެހި ގައުމަކީވެސް ޖަޕާނެވެ.
އޮލިމްޕިކް ގޭމްސް އިފްތިތާހު ކުރުން އޮތީ ޖުލައި 23 ގައެވެ.
