ޕެސިފިކް ސަރަހައްދުގައި ޗައިނާގެ ނުފޫޒު ގަދަ ކުރުމުގެ ގޮތުން ކިރިބާސްގެ ޒަމާންވީ، އެއަޕޯޓެއް ތަރައްގީ ކުރުމަށް ޗައިނާއިން ނިންމައިފިއެވެ.
ކިރިބާސްއާއި ޗައިނާއިން ގުޅުން ގާއިމް ކުރީ މީގެ ދެ އަހަރު ކުރިންނެވެ. ޗައިނާއިން ވަނީ ކިރިބާސްއާއެކު އިންފްރާސްޓްރަކްޗަރ އިންވެސްޓްމެންޓް ޕްރޮޖެކްޓްތަކުގައި މަސައްކަތް ކުރުމަށް އެއްބަސްވެ ސޮއިކޮށްފައެވެ.
ޗައިނާއަށް މި އެއަރޕޯޓް ބިނާ ކުރުމުގައި ކާމިޔާބު ވެއްޖެނަމަ، އެމެރިކާއާއި އޮސްޓްރޭލިއާ ނުތަނަވަސް ކޮށްލާފަދަ ސްޓްރެޓީޖިކް ސަރަހައްދެއްގައި ޗައިނާއަށް މުހިންމު އެއަރބޭސްއެއް ލިބިގެން ދިޔައީއެވެ.
ޕެސިފިކް ސަރަހައްދަކީވެސް ނުތަނަވަސް ސަރަހައްދެކެވެ. ޗައިނާއިން ދަނީ ވީ އެންމެ ފުނަކަސް ގޮސް މި ސަރަހައްދުގައި ޗައިނާއަށް ސްޓްރެޓިޖިކް މަގާމެއް ލިބޭތޯއެވެ.
ކިރިބާސްގެ ކެންޓޮން އެއަރޕޯޓަކީ، ތަރައްގީ ކުރަން ޖެހޭ އެއރަޕޯޓެކެވެ. މި އެއަރޕޯޓް އިތުރު އަށް ހާސް ފޫޓަށް ދިގުކޮށްލައިފިނަމަ، ބޮޑެތި ބޮން އަޅާ ބޯޓްތަކާއި ކަނޑުގެ ސަރަހައްދު ޕެޓްރޯލް ކުރާ މަތިންދާ ބޯޓްތަކަށްވެސް މި އެއަރޕޯޓް ބޭނުން ކުރެވިދާނެއެވެ.
މީގެ އިތުރުން ހޭންގަރުތައް ހަދައި ދިގު މުއްދަތަކަށް ސިފައިން ތިބުމަށް އިންފްރާސްޓްރަކްޗަރ ވެސް ގާއިމް ކުރަން ޖެހޭނއެވެ. މިފަދަ އިންވެސްޓްމެންޓއް ކޮށްލުމަކީ ޗައިނާއަށް ދަތިކަމަކަށް ނުވާނެއެވެ.
މިއެއަރޕޯޓް ބޭނުން ކޮށްގެން އެފަރާތުން އެމެރިކާގެ ހަވާއި އަދި އަނެއް ފަރާތުން އޮސްޓްރޭލިއާއާއި ނިއުޒިލެންޑަށް ފާރަވެރިވުމަށް، މީހަކާ ނުލައި އުދުއްސާ މަތިންދާ ބޯޓްތައް ބޭނުން ކުރެވިދާނެއެވެ.
