ގޫގްލް އިން ވަނީ ޔޫޓިއުބް މެދުވެރިކޮށް އަލްޖަޒީރާގެ ކޮންޓެންޓް ނު ބެލޭ ގޮތް ހަދާފައެވެ. އަލްޖަޒީރާ ބަލަން ބޭނުންވާ މީހުންނަށް ދައްކާ މެސެޖަކީ، މިއީ މުނާސިބު ކޮންޓެންޓެއް ނޫން ކަމުގައެވެ.
އެފްބީއާއި އެފްބީގެ އިންސްޓަގްރާމުންވެސް ވަނީ ފަލަސްތީނާ ގުޅުން ހުރި ކޮންޓެންޓްތަކަށް ހުރަސް އަޅާފައެވެ. ބައެއް މީހުން މިއީ ޑިޖިޓަލް ސެންސަރިންގ ކަމަށްވެސް ސިފަ ކުރެއެވެ.
އެފްބީން ބުނާ ގޮތުގައި އެމީހުން ސެންސަރެއް ނުކުރެއެވެ. ނަމަވެސް އެލްގޮރިތަމްގައި ޖެހުނު މައްސަލައަކުން ފަލަސްތީންގެ ކީވޯރޑާ ގުޅޭ ޕޯސްޓްތަކަށް ހުރަސް އެޅިގެން ދިޔައީއެވެ.
އަލްޖަޒީރާއަށް ގޫގްލްއިން ހުރަސް އަޅާފައިވާ ސަބަބެއްކަމަށް ބެލެވެނީ، އިޒްރޭލުން ފަލަސްތީނުގައި ހިންގާ ޖަރީމާތައް، ޑޮކޮއިމެންޓް ކުރުމުގައި އަލްޖަޒީރާ ކުރީގައި އުޅޭތީއެވެ. އިޒްރޭލުގެ އަމަލުތަކަކީ، ހަނގުރާމައިގެ އަމަލުތަކެއްކަމަށް އެމްނެސްޓީ އިންޓަރނޭޝަލުންވެސް ސިފަ ކޮށްފައި ވެއެވެ.
