އިންޑިއާގައި ވެކްސިން އުފެއްދުމަށް އިތުރު ހުއްދަތައް ދިނުމަށް ގޮވާލާ އަޑުތައް ދަނީ އިތުރު ވަމުންނެވެ. އިންޑިއާގެ ވެކްސިން ޕްރޮގްރާމުގެ ލަސްކަމާއި ވެކްސިންގެ ތަދުމަޑުކަމުގެ ސަބަބުން ކޮވިޑް19 ފެތުރުން ހުއްޓުވުމަށް ކުރާ މަސައްކަތަށް ހުރަސްތައް މެދުވެރި ވެފައި ވެއެވެ.
އިންޑިއާގެ ސިޔާސީ ފަރާތްތަކާއި ޕޮލިސީ އެކުލަވާލާ ފަރާތްތަކުން ގޮވާލަމުން ދަނީ ކޮންމެ ސްޓޭޓެއްގައިވެސް އެތައް ބަޔަކަށް ވެކްސިން އުފެއްދުމަށް ފުރުސަތު ދިނުމަށެވެ. އެގޮތުން ވެކްސިން އުފައްދާ ތަންތަނަށް ވެކްސިންގެ އަގުގެ ދިހަ ޕަސެންޓް ދިނުމަށް އިންޑިއާގެ ކެބިނެޓް މިނިސްޓަރުން ގޮވާލައެވެ.
އިންޑިއާގައި މަރުވާ މީހުން އަންދާލުމުގެ މައްސަލައަކީވެސް ބޮޑު މައްސަލައެކެވެ. ބައެއް މުއްސަނދި މީހުން އަންދާއިރު ކެލާ ގަހުގެ ލަކުޑި ބޭނުންކުރާ މައްސަލަވެސް ވަނީ ބޮޑު މައްސަލައަކަށް ވެފައެވެ. ދަރު ގަންނަން ނުލިބޭ މީހުންނަށް މައްޔިތާ އަންދާލާނެ ގޮތެއް ނުވެއެވެ. އެމީހުން ގަބުރުން ސަލާމަތްވާން އަޅާލަނީ ކޯރަށެވެ.
ގަންގާ ކޯރުގައި ގަބުރުތައް ގިނަ ވުމުގެ ސަބަބުން ކޯރުގެ އައްސޭރިފަށުގައި ފޯރި މެރުމުގެ މަސައްކަތް ފުލުހުން ދަނީ ކުރަމުންނެވެ.
އިންޑިއާގެ ކެބިނެޓް މިނިސްޓަރަކު ވިދާޅުވިގޮތުގައި ގަބުރު އަންދާލާއިރު ލަކުޑިން އަންދާލާނަމަ، އަގަކީ ތިން ހާސް ރުޕީސް އެވެ. ޑީސަލް ބޭނުން ކުރާނަމަ 1600 ރުޕީސް އެވެ. ގޭސް ބޭނުން ކުރާނަމަ 1200 ރުޕީސްއެވެ. ކަރަންޓުން އަންދާލާނަމަ 800 ރުޕީސްއެވެ. އަދި ގެރިގުއިފަދަ އެއްޗެއް ބޭނުން ކުރަނީނަމަ އެއްހާސް ރުޕީސް އެވެ.
އިންޑިއާގެ ހައިވޭ މިނސްޓަރު ގޮވާލެއްވީ، މިކަމާ ބެހޭ ދިރާސާތައް ހަދައި އެދެވޭ ގޮތަށް ޖަނާޒާގެ ކަންތައް ގެންދެވޭ ގޮތެއްގެ ރިސާޗްތައް ހަދަން ޖެހޭ ކަމަށެވެ.
