އަންނަ މަހު 1ން ފެށިގެން ޔޫއޭއީގައި ބޭރު މީހުންގެ ސައްތައިން ސައްތަ ހިއްސާ އޮންނަ ގޮތަށް ވިޔަފާރި ކުރެވޭނެ ކަމަށް އިޢްލާން ކޮށްފިއެވެ. މިހާރު ގަވާއިދު އޮންނަ ގޮތުން ބޭރު މީހުންނަށް 49 އިންސައްތައަށް ވުރެން އިތުރަށް މިލްކެއް ނުވެއެވެ. އަދި ވިޔަފާރިއެއް ފަށާއިރު ގައުމުގެ މީހަކު ކަފީލެއްގެ ގޮތުގައި ހުންނަން ޖެހެއެވެ.
ޔޫއޭއީ އިން މަސައްކަތް ކުރަމުންދަނީ އެގައުމުގެ ވިޔަފާރީގެ ވާދަވެރިކަން އިތުރު ކުރުމަށެވެ.
މިއީ އަރަބި ދުނިޔޭގައި ސައޫދީއަށް ފަހު އެންމެ ބޮޑު އިގްތިސާދެވެ. ޔޫއޭއީގެ އިމާރާތްތަކުން ޑުބާއީ އަކީ އިގްތިސާދުގައި ތެލަށް ބަރޯސާވާ ގައުމެއް ނޫނެވެ. އެއާ ޚިލާފަށް އަބޫދާބީއަކީ ގިނަ އަދަދަކަށް ތެލުގެ ރިޒާވް ހުރި އިމާރާތެކެވެ.
ދުނިޔޭގެ ވިޔަފާރި ކުރުމަށް ފަހި ގައުމުތަކުގެ ލިސްޓްގައި ޔޫއޭއީއަކީ ވަރލްޑްބޭންކްގެ ލިސްޓްގައި 16 ވަނައެވެ.
