އިންޑިއާގެ ބޮޑު ވަޒީރު ނަރެންދްރަ މޯދީއަށް ފާޑުކިޔާ ފަރާތްތަކުން އޭނާއަށް ފާޑުކިޔުން އަމާޒުކޮށްފައި ވަނީ އިންޑިއާ ކޮވިޑް19 ގެ ދެވަނަ ރާޅަކަށް ތައްޔާރުކޮށްފައި ނެތުމުންނެވެ. ފުރަތަމ ރާޅާއެކު ސިއްޙީ ނިޒާމު ހަރުދަނާކޮށް ތައްޔރު ކުރުމަސް ފުރުސަތު ލިބުނެވެ. ނަމަވެސް އިންތިޚާބާއި އާންމު އެއްވުންތައް ބަލާނުލައި އިންތިޒާމު ކުރުމުގެ ސަބަބުން އިންޑިއާ އަޑިގަނޑަކަށް ވެއްޓި ފުރަތަމަ ރާޅުގައި ހޯދާފައިވާ ކާމިޔާބީތައް ފަނޑުވެގެން ދިޔައީއެވެ.
ޖޯން ހޯޕްކިންސް ޔުނިވަރސިޓީން ލަފާ ކުރާ ގޮތުގައި އިންޑިއާއިން މިހާރު ހާމަކޮށްފައިވާ އަދަދުތަކަކީ، ހަގީގީ އަދަދުތަކަށް ވުރެން ދަށް އަދަދު ތަކެކެވެ. ރަށްފުށުގެ ތަފާސްހިސާބުތައް ކޮވިޑްގެ މަރާއި ޕޮޒިޓިވް ރޭޓްތެރެއަށް ނުވަންނަ ކަމަށް ބުނެއެވެ.
ކޮވިޑްގެ ތިންވަނަ ރާޅާއެކު ބީޖޭޕީއަށް ބޮޑެތި ގޮންޖެހުންތަކެއް ކުރިމަތި ވެފައިވާކަން ކަށަވަރެވެ. މިއީ ބީޖޭޕީގެ ސަރުކާރު ހިންގުމުގައި ދިމާވި އައު ގޮންޖެހުމެކެވެ. 2016ގައި މޮދީ، އައު ބެންކް ނޫޓްތައް ތައާރަފް ކުރެއްވި އިރުވެސް މިފަދަ މައްސަލަތަކާ ކުރިމަތިލާން ޖެހުނެވެ. 2017ގައި ޖީއެސްޓީ ތައާރަފް ކުރި އިރުވެސް ގޮންޖެހުންތަކެއް ކުރިމަތިވިއެވެ. 2020ގައި ދަނޑުވެރިކަމުގެ ދާއިރާގެ އިސްލާޙުތައްވެސް ހަމައެފަދައެވެ.
މިހުރިހައި މާޒީގެ ގޮންޖެހުންތަކާއެކު ބީޖޭޕީން ދައްކައި ދެނީ ބީޖޭޕީއަކީ ވޯޓް ހޯދޭނެ ބައެއް ކަމަށެވެ. ރައްޔިތުންގެ ޝުއޫރާ ކުޅެލައި ވޯޓް ހޯދައިގެން ވެރިކަން ކުރާ އެހެން ގައުމުތަކުގައިވެސް ކަން ހިނގާ ފަދައިން ބީޖޭޕީއަކީ ހިންގުމަށް އެންމެ މޮޅު ޕާޓީއެއް ނޫނެވެ.
މިވާހަކަތައް މިހެން ހުރިނަމަވެސް އަދި އިންޑިއާއަށް އެތެރެއިންނާއި ބޭރުން ގިނަ ގޮންޖެހުންތަކެއް ހުރިނަމަވެސް، އިންޑިއާ އަކީ ކުރިއަރަމުން އަންނަ ބޮޑު ބާރެކެވެ.
ސިޔާސީ ގޮތުންނާއި އިގްތިސާދީ ގޮތުން އަދި އާބާދީގެ ގޮތުން އިންޑިއާއަކީ، ކުރިމަގުގައި ބޮޑުބާރަކަށް ވާނެކަމުގެ ހެކިތައް މިހާރުވެސް ދަނީ ފެންނަމުންނެވެ.
އިންޑިއާގެ ސިޔާސީ މަސްރަހުގައި އެންމެ ފާހަގަ ކުރެވޭ ކަމަކީ ސިޔާސީ ހަމަޖެހުމެވެ. ބީޖޭޕީން ޕާލަމެންތްގައި ތަނަވަސް އަޣްލަބިއްޔަތެއް ކޮންޓްރޯލް ކުރާއިރު ޒަމާންވީ ސިޔާސީ ޕާޓީ ކޮންގްރސްއިން ކޮންޓްރޯލް ކުރަނީ އެންމެ 52 ގޮނޑިއެވެ. ހުރިހައި މުހިންމު ސްޓޭޓްތަކުގައި ވެރިކަން ކުރަނީ ބީޖޭޕީންނެވެ.
ނިމިދިޔަ އިންތިޚާބްގައި ބީޖޭޕީން ވަނީ މޮޅެތި އިންތިޚާބީ ސްޓްރެޓެޖީތައް ބޭނުން ކޮށްފައެވެ. ފުޅާދާއިރާއެއްގައި ޑޭޓާ ބޭނުންކޮށްގެން ތަހުލީލުތައް ހަދާފައެވެ. ބީޖޭޕީން ބޭނުން ކޮށްފައި ވަނީ އިންޑިއާގެ އާބާދީގައި ބައިގިނަ މީހުން، ހިންދީން އެންމެ ގަޔާވާ ޝިއާރުތައް ގެންގުޅެފައެވެ. ހިންދީންގެ ކަނާތުފިޔައިގެ ހައްދުފަހަނައަޅައި ދިއުމަކަށްވެސް މިކަން ސިފަކުރެވެއެވެ.
އާބާދީއަށް ބަލާއިރު 2024ގައި ޗައިނާ އަށް ވުރެން އާބާދީ ބޮޑު ގައުމަކަށް ވާނީ އިންޑިއާއެވެ. އާބާދީގެ 25 އިންސައްތައަށް ވުރެން ބޮޑު ބަޔަކީ އުމުރުން 25ން ދަށުގެ މީހުންނެވެ. އަދި ފަންސަތިރީސް އަހަރުން ދަށުގެ މީހުންގެ އަދަދު ފަންސަހައްޓި އިންސައްތައަށް ވުރެން ގިނަ އެވެ.
މިވަގުތު އިންޑިއާގެ އާބާދީގެ އެވަރެޖް އުމުރަކީ އޮނަތިރީސް އަހަރެވެ. ޗައިނާއަށް ބަލައިފިނަމަ، ޗައިނާގެ އެވަރެޖް އުމުރަކީ ސަތު ތިރީސް އަހަރެވެ. ޖަޕާންގައި އަށާޅީސް އަހަރެވެ.
މިއަދަދުން ދައްކަނީ އިންޑިއާއަށް މުޅި ޖީލެއްގެ ދިގުމުގެ ތިޔާގި ކަން އަދި ލިބިގެންދާނެ ކަމެވެ. ޖަޕާން އާއި ޗައިނާ އެކޭ އެއްފަދައިން ވިލާތު އިއްތިހާދުގެ ގައުމު ތަކާއި ރަޝިޔާފަދަ ތަންތަނަކީ މުސްކުޅި ވަމުންދާ އާބާދީއެއް އޮތް ތަންތަނެވެ.
ދެން އޮތީ އިންޑިއާގެ އިންގްތިސާދަށް ބަލައި ލުމެވެ. 2050ގައި މުޅި ދުނިޔޭގެ ޖީޑީޕީގެ 15 އިންސައްތައަކީ އިންޑިއާ އިގްތިސާދެވެ. އިންޑިއާގެ މި ތަރައްގީއާއެކު މުޅި ސަބްކޮންޓިނެޓް އުޅޭނީ، ތިގްތިސާދީ ތަރައްގީގައި ރަން ޒަމާނެއްގައެވެ.
ކޮވިޑްގެ ވޭންތަކުން އިންޑިއާއިން އަރައި ގަތުމާއެކު އައިއެމްއެފްގެ ލަފައަކީ، އިންޑިއާގެ އިގްތިސާދު 11.5 އިންސައްތައިގައި ކުރިއަރައިގެން ދާނެ ކަމަށެވެ. މިހިނަދު ދުނިޔޭގެ އެހެން ބޮޑެތި އިގްތިސާދުތައް ކުރިއަރާނީ 6.8 ޕަސެންޓްގައެވެ.
ސިޔާސީ ހަމަޖެހުމާއި އާބާދީގެ ދުޅަ ހެޔޮކަމާއި އިގްތިސާދީ ތަރައްގީގެ ހަލުއިކަމުން އިންޑިއާގެ ކުރިމަގު ވަޒަން ކޮށްލެވެނީ މިފަދައިންނެވެ.
މި މަޒްމޫނަށް މަޢްލޫމާތު ނަގާފައި ވަނީ ގައުމުތަކުގެ ހިސާސް ވަޒަންކޮށް ރިޕޯޓް އެކުލަވާލާ، ޖޯން ހަލްސްމަން އެންޓަރޕްރައިސްގެ ރައީސް ޑރ. ޖޯން ހަލްސްމަން ތައްޔާރުކޮށްފައިވާ ރިޕޯޓަކުންނެވެ.
