މި އަހަރުގެ ޙައްޖުގެ އަޅުކަން އަދާކުރުމަށް ބައިވެރިވެވޭނީ، 60ހާސް މީހުންނަށް ކަމަށް ސައުދީ އަރަބިއްޔާއިން އަންގައިފިއެވެ. މި 60 ހާސް މީހުންގެ ތެރެއިން، 45 ހާސް މީހުންނަކީ، ސައުދީ އަރަބިއްޔާއިން ބޭރުން ވަދެވޭނެ މީހުންގެ އަދަދެވެ. އަދި ސައޫދީ އަރަބިއްޔާއިން ބައިވެރި ވެވޭނީ، 15 ހާސް މީހުންނަށެވެ.
މިއާއެކު ނެރެފައިވާ ސާރކިއުލާގައިވާ ގޮތުން، ޙައްޖާޖީން ގައިދުރުކުރުމަށާއި އަބަދުވެސް މާސްކު އަލައިގެން އުޅުމަށް އަންގާފައި ވެއެވެ.
ޙައްޖުގެ އަޅުކަމަށް ފުރުމުގެ ކުރިން ދެ ޑޯޒް ވެކްސިން ޖަހާފައިވާތާ 14 ދުވަސް ފުރިހަމަވެފައި ހުންނަން ޖެހޭނެ ކަމަށްވެސް ބުނެފައި ވެއެވެ.
