ސްރީލަންކާއން ދަރަންޏަށް ފައިސާ ހޯދައިގެން އަގު ބޮޑު ޕްރޮޖެކްޓްތައް ދެން ނުހިންގާނެ ކަމަށް ބުނެފިއެވެ. ރައީސް ގޯތާބަޔާ ރާޖަޕަކްސަގެ ސެކެޓްރީ، އިކޮނޮމިސްޓް ޕީ ބީ ޖަޔަސޫރިޔާ ވިދާޅުވިގޮތުގައި ދެން ކުރިއަށް ދިއުމަށް ނިންމާފައި ވަނީ ލަސްލަހުން ކަމަށެވެ. އޭނާ ވިދާޅުވީ، މިހާރު ބޭރުގެ ދަރަނި ބޮޑުވެފައި، އިތުރަށް ލޯން ނެގެން ނެތުމުން ދެން ވާހަކަ ދައްކާނީ، ވަރލްޑް ބޭންކާއި އޭޝިއަން ޑިވެލޮޕްމެންޓް ބޭންކާއެވެ.
މިހާރުގެ ބޮޑު ވަޒީރު މަހިންދަ ރާޖަޕަކްސަގެ ވެރިކަމުގައި ގެންގުޅެފައިވާ މޮޑެލްއަކީ ބޭރުން ބޮޑެތި ލޯންތައް ނަގައިގެން ބޮޑެތި ޕްރޮޖެކްޓްތައް ހިންމުގެ މޮޑެލްއެވެ. ދަރަނީގެ ދަންތުރައިގައި ޖެހުމުން، މި މޮޑެލް ބަދަލުކޮށްލަން ޖެހުނީކަމަށް ޖަޔަސޫރިޔާ ވިދާޅުވިއެވެ.
އޭނާ ހާމަކުރެއވި ގޮތުގައި މިއަހަރާއި މިދިޔަ އަހަރުވެސް ސްރީލަންކާއިން އިތުރު ލޯނެއް ނަގާފައެއް ނުވާނެއެވެ.
ސްރީލަންކާގެ ބޭރުގެ ދަރަނި އުޅެނީ، 35.3 ބިލިއަން ޑޮލަރުގައެވެ. މިއިން 10 އިންސައްތައަކީ ޗައިނާއަށް ދަރާފައވާ ދަރަންޏެވެ.
