ދުނިޔޭގެ ސިއްހަތު ޖަމުއިއްޔާއިން ހުއްދަ ދީފައި ނުވާ ޗައިނާ ވެކްސިންއެއް ލަންކާގައި އުފެއްދުމަށް ލަންކާއިން ވިސްނަން ފަށައިފިއެވެ. ސްރީލަންކާގެ ހެލްތު މިނިސްޓްރީން ކެބިނެޓަށް ހުށަހެޅި ކަރުދާހެއްގައި ވަނީ ފަސް އަހަރު ދުވަހަށް ޗައިނާ ވެކްސިން ސްރީލަންކާގައި އުފައްދަން ހުށަހަޅާފައެވެ. އަދި ސްރީލަންކާއިން ބޭނުންވާ ވަރަށް ވުރެން އިތުރަށް ވެކްސިން އުފައްދައިފިނަމަ، އެ ވެކްސިން އެގައުމަށް އެކްސްޕޯޓްވެސް ކުރެވިދާނެ ކަމަށެވެ.
ސްރީލަންކާއިން އުފައްދަން ވިސްނާ ޗައިނާ ވެކްސިން އަކީ އަދި ދުނިޔޭގެ ސިއްހަތު ޖަމުއިއްޔާއިން ހުއްދަ ދީފައިވާ ވެކްސިންއެއް ނޫނެވެ.
ކެބިނެޓްގައި މަޝްވަރާ ކުރުމަށްފަހު ވަޒިރުން ވަނީ މި މައްސަލައާ މެދު ހެލްތު މިނިސްޓްރީން އަލުން މަޝްވަރާތައް ބޭއްވުމަށްފަހު ސަރުކާރަށް ހުށަހެޅުމަށް އެދިފައެވެ. އަދި ފަސް އަހަރު ވަންދެން ކޮވިޑް19ގެ ހާލަތު މިގޮތަށް އޮންނާނެތޯ ވެސް ސުއާލު ކޮށްފައި ވެއެވެ.
ސްރީލަންކާއިން އުފައްދަން ހުށަހަޅާ ވެކްސިން އަކީ ސައިނޯވެކް ބައޯޓެކް ވެކްސިންއެވެ. ޑަބްލިއުއެޗްއޯއިން މިވެކްސިންއަށް އަދި ހުއްދަ ދީފައެއް ނުވެއެވެ.
