ދުނިޔޭގެ މީހުންނާ ހަމައަށް ވޫހާނުން ވައިރަސްގެ ވާހަކަ ތިލަ ވުމުގެ މާކުރިން ވޫހާން ލެބްގައި މަސައްކަތް ކުރާ ތިން މީހަކު ހަސްފަތާލުގައި ފަރުވާ ހޯދިކަމަށް ވޯލްސްޓްރީޓް ޖަރނަލްއިން މިއަދު ރިޕޯޓް ކޮށްފިއެވެ. މި ތިން މީހުން ބައްޔަށް ފަރުވާ ހޯދާފައި ވަނީ 2019 ގެ ނޮވެމްބަރު މަހުގެ ތެރޭގައެވެ.
އެމެރިކާގެ ޖާސޫސީ މަޢްލޫމާތާ ހަވާލާދީ ކަށަވަރުކޮށް ޖާރނަލް އިން މިވާހަކަ ރިޕޯޓްކޮށް، ހާމަކޮށްފައިވާ ބަލި ޖެހުނު މީހުންގެ މަޢްލޫމާތާއި ދުވަސްތަކުން އެނގެނީ ކޮވިޑް 19 އަކީ، މިއީ ލެބޯޓްރީން ބޭރުވި ވައިރަސް އެއްގެ ޒަރިއާއިން ފެތުރިގެން އުޅޭ ވަބާއެއް ކަމަށެވެ.
މިވާހަކަ މިގޮތަށް ފަތުރާފައިވާ އިރު ދުނިޔޭގެ ސިއްޙަތު ޖަމުއިއްޔާއިން ދަނީ ބައްދަލު ވަމުންނެވެ.
އެމެރިކާގެ ގައުމީ ސަލާމަތާ ބެހޭ އިދާރާއިން މި ވާހަކައަށް އެއްޗެއް އިތުރެއް ނުކުރެއެވެ. ނަމަވެސް ބުނެފައި ވަނީ ޗައިނާއާ ދޭތެރޭ ވިސްނަން ޖެހޭ ކަމަށެވެ.
އެމެރިކާ ނޯވޭ، ކެނެޑާ އަދި އިނގިރޭސިވިލާތުން ގޮވާލާފައި ވަނީ ކޮވިޑް19 ފެތުރިގެން އައި ގޮތާ މެދު އިތުރަށް ހޯދުންތައް ހޯދުމަށެވެ.
ބައެއް ދިރާސާތަކުން ބުނެފައި ވަނީ މިއީ އެމެރިކާއިން ދީފައިވާ ފައިސާއިން ވޫހާން ލެބުން އުފައްދާފައިވާ ވައިރަސްއެއް ކަމަށެވެ. އަދި މި ވައިރަސްއަކީ އިންސާނީ ފުއްޕާ މޭގެ ސެލްނަގައިގެން އޭގައި މި ވައިރަސް ތަތްލަވާތޯ ބަލައި ޓެސްޓް ހަދާފައިވާ އެއްޗެއް ކަމަށެވެ.
އެމެރިކާގެ ޓްރަމްޕް ސަރުކާރުގެ ފަހު ދުވަސްކޮޅު ބުނެފައިވަނީ ވޫހާން ލެބޯޓްރީގައި ގިނަ އަދަދެއްގެ ބަޔަކު ބަލިވިކަމުގެ ކަށަވަރު މަޢްލޫމާތު އެފަރާތަށް ލިބިފައިވާ ކަމަށެވެ.
