ޕާކިސްތާންގެ ވެރިރަށް އިސްލާމްއާބާދުގައި ރޭ، މިނިވަން ނޫސްވެރިއެއްކަމަށްވާ އަސަދު އަލީ ޠޫރުގެ ގެއަށް ވަދެ އޭނާއަށް ނުރައްކާތެރި ހަމަލަތަކެއް ދީފިއެވެ. ޕާކިސްތާން މީސްމީޑިއާއިން ވަނީ މި އަމަލު ކުށްވެރިކޮށްފައެވެ.
މިއީ އިސްލާމްބާދުގައި މިފަހުން ދެވުނު ހަމަލައެވެ. މީގެ ކުރިން އިސްލާމްއާބާދުގައި ނޫސްވެރިއަކު ވަގަށް ނަގައިގެން ގެންގުޅެފައި ވެއެވެ.
އަސަދު ޠޫރު މީސްމީޑިއާގައި ކިޔައިދިން ގޮތުގައި އޭނާ އަށް ހަމަލަ ދިން މީހުން އެނގެން ބޭނުންވީ އޭނާއަށް ފަންޑް ކުރަނީ ކޮންބަޔެއްތޯ އެނގޭށެވެ. މުސާރަ ފިޔަވައި އިތުރު އާމްދަނީއެއް ނެތްކަމަށް ކިޔައި ދިނުމުން ބިންމައްޗަށް ވައްޓާލައިގެން އަނިޔާ ކުރިކަމަށް ބުންޏެވެ.
އެންމެ ފަހުން، ޕާކިސސްތާންގެ ހައި ސެކިއުރިޓީ ވެރިރަށް، އިސްލާމްއާބާދުގައި މިފަދަ ހަމަލައެއް އަމާޒުކޮށްފައި ވަނީ ނޫސްވެރިޔާ، އދި އިލެކްޓްރޯނިކް މީޑިއާ އޮތޯރިޓީ (ޕެމްރާ)ގެ ކުރީގެ ވެރިޔާ އަބްސާރު ޢާލަމް އަށެވެ. އަބްޞާރަށް ހަމަލަ ދިން މީހުންގެ ބަޑީގެ ހަމަލަ އޭނާގެ އަރިކަށްޓަށް އަމާޒު ވިއެވެ.
ޕާކިސްތާން ހިއުމަން ރައިޓްސް ކޮމިޝަނުން ވަނީ މި މައްސަލަ ތަހްގީގު ކުރުމަށް ސަރުކާރަށް ގޮވާލާފައެވެ.
ހިއުމަން ރައިޓްސް މިނިސްޓަރ ޝީރީން މަޒާރީ ވިދާޅުވެފައި ވަނީ އިންފޮމޭޝަން މިނިސްޓަރ ފުއާދު ޗޯދްރީ މައްސަލައިގެ ތަހްގީގާ ގުޅޭ މަސައްކަތުގައި އުޅުއްވާ ކަމަށެވެ.
މީސްމީޑިއާގައި ދެކޮޅަށް އަޑު އުފުލި މީހުން ބުނެފައި ވަނީ މިހާރުގެ މާހައުލުގައި ޕާކިސްތާންގައި މިނިވަން ޚިޔާލު ފާޅު ކުރުމަކީ މަނާކަމެއް ކަމަށެވެ.
