ޔޫކޭ އިންސްޓަގްރާމް މޮޑެލް އަދި ބެލެރީނާ، ކެމެރޮން ވެލެންޓީނާ އަޔަރ ރާއްޖޭގައި ޗުއްޓީ ހޭދަކުރަމުންދާ މަންޒަރު އޭނާގެ އިންސްޓަގްރާމުން ފޮލޯވަރުންނަށް ހާމަކޮށްފިއެވެ. އޭނާ ޗުއްޓީ ހޭދަކުރަމުންދަނީ ރ. އަތޮޅުގެ، ހެރިޓެންސް އާރަށުގައެވެ.
އިންސްޓަގްރާމް މޮޑެލް ޑެމީ ރޯޒްވެސް ރާއްޖޭގައި ސިނަމަން ވެލިފުށި ރިސޯޓްގައި ޗުއްޓީ ހޭދަ ކުރަމުން އެބަ ގެންދެއެވެ. އޭނާގެ 14 މިލިއަން ފޮލޯވަރުންނަށް ހިތް ގައިމު މަންޒަރުތަކެއް އޭނާ ޝެއަރކޮށްދީފައި ވެއެވެ.
މި މޮޑެލުން ރާއްޖޭގައި ޗުއްޓީ ހޭދަކުރަނީ، ޕްރޮޖެކްޓްފޯމޯ އިން ހިންގާ ރާއްޖެ އިޝްތިހާރު ކުރުމުގެ ކެމްޕޭނަށެވެ. މި މާރކެޓިންގ ކެމްޕެއިންގެ މަގްސަދަކީ، 500 މިލިއަންއާއި އެއް ބިލިއަން މީހުންނާ ހަމައަށް ރާއްޖޭގެ ރީތިކަން ގެންދީ އިޝްތިހާރު ކުރުމެވެ.
