ބަންގި ގޮވުމަށްފަހު މިސްކިތު ތާޅަފިލި ނިއްވާލުމަށާއި، ބަންގި ދޭ އިރުވެސް ތާލަފިލި އަޑު ހާނާ ގޮބު، އޭގެ އެންމެ މަތީ ފިތަށްވުރެން ތިން ފިތް ދަށުގައި ބެހެއްޓުމަށްވެސް ސައޫދީ އަރަބިއްޔާގެ އިސްލާމިކް މިނިސްޓްރީން މިސްކިތްތަކަށް އަންގައިފިއެވެ.
ސައޫދީ އިސްލާމިކް މިނިސްޓަރ އަބްދުއްލަތީފް އާލުއް ޝެއިޚް ވިދާޅުވީ، މިގޮތަށް ނިންމާފައި ވަނީ ކުޑަ ކުދިންނަށް އުދަގޫވާކަމަށް ބުނެ މީހުން ޝަކުވާ ކުރުމުންނެވެ.
މީސް މީޑިއާގައި ބައެއް މީހުން ވަނީ މިކަމާ ގަޔާވެފައެވެ. ނުރުހުނު މީހުން ބުނެފައި ވަނީ، އެހެންވީއިރު، މާރުކޭޓްތަކާއި ރެސްޓޯރެންޓްތަކުގައި ބާރަށް ލަވަ ޖެހުންވެސް ހުއްޓުވަންވީ ނޫން ހެއްޔެވެ؟
ސައޫދީ ސަރުކާރުގެ ފިޔަވަޅާ ދެކޮޅަށް ވާހަކަ ދެއްކި މީހުންނާ ބެހޭ ގޮތުން އާލުއްޝެއިޙް ސިފަކުރެއްވީ އެއީ "ސައޫދީ ރަސްކަމުގެ ދުޝްމަނުން" ކަމަށެވެ. އަދި އެއީ ފިތުނަ އުފައްދަން ދައްކާ ވާހަކަތައް ކަމުގައިވެސް ވިދާޅުވިއެވެ.
