އިންޑިއާގައި ބެޓެރިން ދުއްވާ ސައިކަލާއި ކާރު ބޭނުން ކުރުމަށް ހިތްވަރު ދިނުމުގެ ގޮތުން އިލްކްޓްރިކް އުޅަނދުގެ ރަޖިސްޓްރޭޝަން ފީ އުވާލުމަށް މިނިސްޓްރީ އޮފް ރޯޑް ޓްރާންސްޕޯޓް އެންޑް ހައިވޭއިން ހުށަހަޅައިފިއެވެ.
މި ސިޔާސަތު ސްޓޭޓްތަކުން ތަންފީޒު ކުރާއިރު ބެޓެރިން ދުއްވާ ސައިކަލާއި ކާރުތަކުގެ ރެޖިސްޓްރޭޝަން ފީއާއި އަހަރީ ފީ މައާފް ވާނެއެވެ.
އިންޑިއާގައި ވެހިކަލް ރެޖިސްޓްރޭޝަން ފީގެ ގޮތުގައި 300 ރުޕީސް އިން 1500އާ ހަމައަށް އެކި ކެޓަގަރީތަކަށް ބަހާލައިގެން ނަގައެވެ.
ސަރުކާރުން ގެންދަނީ އިލެކްޓްރިކް ވެހިކަލްތަކަށް ހިތްވަރު ދިނުމުގެ ގޮތުން ސަބްސިޑީ ދީގެން އިލެކްޓްރިކް ޗާރޖިންގ ސްޓޭޝަންތައް ވެސް ހެދުމަށް މަސައްކަތް ކުރަމުންނެވެ.
މަރުކަޒީ ސަރުކާރުން ދިއްލީގައި ގަންނަ އައު ވެހިކަލްތަކަކީ ބެޓެރިން ދުއްވާ ވެހިކަލްތަކެއް ކަމަށް މިހާރު ވަނީ ކަނޑައަޅާފައެވެ.
