ބަލޯޗިސްތާންގެ އަވަށެއްގައި ހިންދީ ދީނުގެ ވިޔަފާރިވެރިއަކު މަރާލުމާ ގުޅިގެން އެ ސަރަހަރުން ކަރާޗީއަށް ދާން އޮންނަ މަގު ބަންދުކޮށްގެން ހިސާބުގަނޑުގެ މީހުން ހަޅުތާލު ކޮށްފިއެވެ. ސައިކަލެއްގައި އައި ބަޔަކު ވަނީ ބަލޯޗިސްތާންގެ ޚުޒްދާރްގައި ފިހާރައެއް ހިންގާ މީހަކަށް ބަޑި ހަމަލަދީ އެމީހާ މަރާލާފައެވެ.
މިއާއެކު ބާޒާރުގެ ފިހާރަތައް ބަންދުކޮށް މީހުން މަގުތަކަށް ނިކުމެ، ހައިވޭ ބަންދުކޮށްގެން ހަޅުތާލު ކުރަން ފެށީއެވެ. މި ހަޅުތާލްގައި ބަލޯޗިސްތާން ނޭޝަނަލް ޕާޓީންވެސް ބައިވެރިވިއެވެ.
ސަރުކާރުން ވަނީ މި ޖަރީމާ ހިންގި ބަޔަކު ހޯދާނެ ކަމުގެ ޔަގީންކަން ދީފައެވެ. އަދި ސަރުކާރުގެ އެދުމަށް މީހުން ވަނީ ހައިވޭ ހުޅުވައިދީ، ހަޅުތާލު ނިންމާލާފައެވެ.
