އިންޑިއާގެ ވެކްސިންގެ ތަދުމަޑުކަމާ ހެދި ކޯޓުތަކުން ސަރުކާރާ ސުއާލުކޮށް ފިއްތުންތައް ކުރިމަތި ކުރުމުން އިންޑިއާ ސަރުކާރުން ވަނީ އަދި ހުއްދަ ދީފައި ނުވާ ވެކްސިންއެއް ގަތުމަށް ފައިސާ ދައްކައިފިއެވެ.
އިންޑިއާ ސަރުކާރުން ވަނީ 300 މިލިއަން ވެކްސިން ޑޯޒް ގަތުމަށް ހައިދަރްއާބާދުގެ ބައެއްލޮޖިކަލް އީ ކުންފުންޏަށް 205 މިލިއަން އެމެރިކާ ޑޮލަރު ދީފައެވެ.
ބައެލޮޖިކަލް އީ އިން އުފައްދާ ވެކްސިންގެ ތިންވަނަ ފިޔަވަހީގެ ޓެސްޓްތައް ކުރުމަށް އިންޑިއާގެ ޑްރަގް ކޮންޓްރޯލާ ވަނީ ހުއްދަ ދީފައެވެ.
މި ވެކްސިން އަކީ ޓެކްސަސް ޗިލްޑްރެންސް ހޮސްޕިޓަލްއާއި ބީސީއެމް ވެޗަރޒްއާއި ބެއިލަރ ކޮލެޖް އޮފް މެޑިސިންއާ ގުޅިގެން އުފައްދަމުންދާ އިންޑިއާގެ ވެކްކސިންއެކެވެ.
އިންޑިއާގެ ހެލްތު މިނިސްޓްރީން ބުނިގޮތުގައި ސަރުކާރުން މިއެޅި ފިޔަވަޅަކީ ގައުމުގެ ވެކްސިން އުފައްދާ ފަރާތްތަކަށް ހިތްވަރު ދިނުމުގެ ގޮތުން އެޅި ފިޔަވަޅެއް ކަމަށެވެ.
މި ވަގުތު އިންޑިއާގައި ދެމުން ދަނީ ސެރަމް އިންސްޓިއުޓުން އުފައްދާ އެސްޓްރާޒެނެކާއާއި އިންޑިއާގެ ސައްތައިންސައްތަ އަމިއްލަ ވެކްސިނެއް ކަމަށްވާ ބާރަތުބައޯޓެކްގެ ވެކްސިންއާއި ރަޝިޔާގެ ސްޕުޓްނިކް ފަހެއް އެވެ.
މިނޫނަސް އިންޑިއާގައި ވެކްސިން ކެންޑިޑޭޓް މަރުހަލާގައި އުޅޭ އެތަކެއް ވެކްސިނެއް އެބަ އުޅެއެވެ.
އިންޑިއާއިން ދުނިޔޭގެ ވިޔަފާރި ޖަމުއިއްޔާގައި ވަކާލާތު ކުރަމުން ދަނީ ވެކްސިން އެންމެނަށް އުފެއްދައި ލިއްބައި ދެވޭ ގޮތަށް ވަގުތީގޮތުން ވެކްސިންގެ ފިކުރީ މުދަލުގެ ހައްގު ދޫކޮށްލާށެވެ. އިންޑިއާއިން މި ގޮތަށް ވަކާލާތު ކުރާތީ، ސްޕުޓްނިކް ވެކްސިން ފިޔަވައި، އިންޑިއާއިން ބޮޑު އަގުގައި ބައިނަލްއަގްވާމީ ވެކްސިން އެއް ގަތުމަށް އަދި އެއްބަސްވެފައެއް ނުވެއެވެ.
