މަނީ ލޯޑަރިންގ އާއި ޓެރަރިޒަމްއަށް ފައިސާ ހޭދަ ކުރުމުގައި ޕާކިސްތާނުން އިތުރަށް ހަރުދަނާ ފިޔަވަޅުތަކެއް އެޅުމަށް އިންޓަރނޭޝަނަލް ފައިނޭންޝަލް އެކްޝަން ޓާސްކްފޯސް (އެފްއޭޓީއެފް) ގެ ސަރަހައްދީ ކޮމިޓީން ޕާކިސްތާނަށް އަންގައިފިއެވެ. އެފްއެޓީއެފްއިން ވަނީ މަނީލޯންޑަރިންއާއި ޓެރަރިޒަމްއަށް ފަންޑް ކުރުމުގެ މައްސަލާގައި ޕާކިސްތާން އެފްއޭޓީއެފްގެ ގްރޭ ލިސްޓްގައި ބާއްވާފައެވެ.
ޓެރަރިޒަމްއާއި މަނީ ލޯންޑަރިންގެ މައްސަލަތައް ހައްލުކޮށް ބޭންކިންގ ގެ ދާއިރާއާއި މާލީ ދާއިރާގެ ނިޒާމުތައް ހަރުދަނާ ކުރުމަށް ޕާކިސްތާނުން ވަނީ ހަރުދަނާ ފިޔަވަޅި ތަކެއް މިފަހުން އަޅާފައެވެ. އެފްއެޓީއެފްގެ އޭޝިއާ ޕެސިފިކް ގްރޫޕުން ވެސް ވަނީ ޕާކިސްތާނުން ކަންކަން ރަނގަޅު ކުރުމަށް މަސައްކަތް ކޮށްފައިވާ ކަމަށް ބުނެފައެވެ. އެހެންނަމަވެސް މައިގަނޑު ތިން ކަމެއްގައި އަދިވެސް ޕާކިސްތާނުން އިތުރު ފިޔަވަޅު އެޅުމަށް އެދިފައެވެ.
އޭގެތެރޭން ދެ ކަމަކީ ޓެރަރިޒަމަށް ފައިސާ ހޭދަކުރުން ކޮންޓްރޯލް ކުރުމާއި މަނީ ލޯންޑަރިންގެ މައްސަލައެވެ.
އެފްއޭޓީއެފްގެ ސަބް ގުޕޫރުން ވަނީ މިއުޗުއަލް ލީގަލް އެސިސްޓެންސްގެ ރޮނގުން ޕާކިސްތާނުން އެދެވޭ މަސައްކަތްތަކެއް ކޮށްފައި ނުވާކަމަށް ބަލައި ދަރަޖަ ދަށްކޮށްފައެވެ.
ޓެރަރިޒަމާސް ފައިސާ ހޭދަކުރާ ގައުމުތަކާ ދެކޮޅަށް ފިޔަވަޅު އަޅާ އިންޓަރނޭޝަނަލް ޓާސްކްފޯސްއިން ވަނީ މިއަހަރުގެ ފެބްރުއަރީ މަހު ޕާކިސްތާން ޖޫން މަހާހަމައަށް ގްރޭ ލިސްޓްގައި އަދި ބޭއްވުމަށް ނިންމާފައެވެ.
