ހަންގެރީގެ ކަނާތުފިޔައިގެ ބޮޑު ވަޒީރާ ދެކޮޅަށް ބުޑަޕެސްޓްގައި މީހުން މުޒާހަރާއަށް ނިކުމެއްޖެއެވެ. ވިކްޓަރ އޯބަންއާ ދެކޮޅަށް މުޒާހަރާ ކުރި ގިނަ މީހުން ހިފައިގެން ތިބި ބޯޑްތަކުގައި ލިޔެފައިވަނީ "ޚިޔާނާތްތެރިވުމެއް" މިފަދައިންނެވެ.
އޯރބަންއާ ދެކޮޅަށް މުޒާހަރާއަށް މީހުން ނިކުތީ ޝެންހާއީގެ ފޫޑާން ޔުނިވަސިޓީގެ ގޮތްޕެއް ބުޑަޕެސްޓްގައި ހުޅުވުމަށް އޯބާން ނިންމެވުމުންނެވެ. މުޒާހަރާ ކުރި މީހުން ދެކޭ ގޮތުގައި މި ފިޔަވަޅުގެ ސަބަބުން ހަންގެރީގެ މަތީ ތަޢްލީމުގެ ފެންވަރު ދަށްވެ، ހަންގެރީއާއި ޔޫރަޕްގެ ޖަމާއަތުގެ ގައުމުތަކަށް ޗައިނާގެ ނުފޫޒު އިތުރު ވެގެން ހިގައި ދާނެއެވެ.
ހަންގެރީ ސަރުކާރުން ވަނީ ފޫޑާން ޔުނިވަރސިޓީއާއެކު ކެމްޕަސްއެއް އެޅުމަށް އެޕްރީލް މަހު އެއްބަސްވެފައެވެ. މި އެއްބަސްވުމުގެ ދަށުން ކެމްޕަސް އަޅަނީ މިހާރުވެސް ޔުނިވަރސިޓީ ކުދިން ދިރިއުޅޭ ޑޮމިޓްރީތަކެއް ތަޅާލާފައި އެތަން ހުރި ބިމުގައެވެ. މީގެ ސަބަބުން ބުޑަޕެސްޓުން ބޭރުން ކިޔަވަން އައިސް ތިބޭ ކުދިންނަށް އެތައް ތަކްލީފެއް ތަހައްމަލު ކުރަން ޖެހޭނެ ކަމަށް މުޒާހަރާއަށް ނިކުމެ އުޅޭ ޒުވާނުން ބުނެއެވެ.
