މާލެ އަތޮޅު ކާށިދޫގައި އަލަށް ހިއްކި ސަރަހައްދުން ލޯކަލް ޓުއަރިޒަމްއަށް ކަނޑައަޅާފައިވާ ސަރަހައްދަށް ކަރަންޓު ފޯރުކޮށްދިނުމުގެ މަސައްކަތް ސްޓެލްކޯއިން ފަށައިފިއެވެ. އެގޮތުން މިހާރު ގެންދަވަނީ މީޑިއަމް ވޯލްޓޭޖް ނެޓްވޯކް އަޕްގްރޭޑް ކުރުމުގެ މަސައްކަތްތަކެއް ކުރައްވަމުން ކަމަށް އެކުންފުނީން ވިދާޅުވިއެވެ.
ނެޓްވޯކް އަޕްގްރޭޑު ކުރުމަށް އެރަށަށް ފޮނުވާފައިވާ ޓްރާންސްފޯމަރު މިހާރު ވަނީ ސަބްސްޓޭޝަންގައި ބަހައްޓައިފައެވެ. މިޓްރާންސްފޯމަރު ބެހެއްޓުމުން ކާށިދޫގެ ކަރަންޓުގެ ނެޓްވޯކް އިތުރަށް ފުރިހަމަކުރެވިގެންދާނެއެވެ. އެހެން ކަމުން އެކަމުގެ ފައިދާ ރައްޔިތުންނަށް ވަރަށް ބޮޑަށް ލިބިގެންދާނެ ކަމަށްވެސް ސްޓެލްކޯއިން ވިދާޅުވިއެވެ.
ސްޓެލްކޯއިން މަސައްކަތް ކުރައްވަނީ އެކުންފުނީން ރައްޔިތުންނަށް ދެއްވަމުން ގެންދަވާ ކަރަންޓުގެ ޚިދުމަތް ޚިދުމަތެއްގެ ގޮތުގައި ކުރިއަރުވައި ތަރައްގީކުރުމަށެވެ. އެގޮތުން އެކުންފުނީގެ އިންޖިނިއަރުންވަނީ ޖެންސެޓުތައް އެސެމްބަލް ރަށްރަށުގެ އިންޖީނުގެތަކަށް ފޮނުވަން ފަށައިފައެވެ.
