ކޮވިޑް-19 އާ ގުޅިގެން ފްރަންޓްލައިންގައި މަސައްކަތްކުރާ 2,900 އަށް ވުރެ ގިނަ މީހުންނަށް އެލަވަންސް ދޫކޮށްފައިވާ ކަމަށް ފިނޭންސް މިނިސްޓްރީން ބުނެފިއެވެ.
ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން ސެޕްޓެމްބަރ މަހުގެ ތިން ވަނަ ދުވަހުގެ ނިޔަލަށް 2,948 މީހުންނަށް ފްރަންޓްލައިން އެލަވަންސްގެ ގޮތުގައި 33.5 މިލިއަން ރުފިޔާ ވަނީ ދޫކޮށްފައެވެ.
މި އެލަވަންސް ފްރަންޓްލައިން މަސައްކަތްތެރިން ދެނީ ތިން ކެޓަގަރީއަކަށް ބަހާލައިގެންނެވެ. އެއީ ހައި ރިސްކު ކެޓަގަރީ، މީޑިއަމް ރިސްކު ކެޓަގަރީ، އަދި ލޯ ރިސްކު ކެޓަގަރީއެވެ.
ހައި ރިސްކް އެލަވަންސް ދުވާލަކަށް 500 ރުފިޔާ ، މީޑިއަމް ރިސްކު ކެޓަގަރީގައި ދުވާލަކަށް ދިނުމަށް ނިންމީ 250 ރުފިޔާ އަދި ލޯ ރިސްކް ކެޓަގަރީގައި ހިމެނޭ މީހުންނަށް ދުވާލަކަށް 200 ރުފިޔާ އެވެ.
