އިންޑިއާ ސަރުކާރުން ދިވެހި އަސްކަރިއްޔާއަށް އެއްގަމުގައިދުއްވާ 24 އުޅަނދު ހަދިޔާކޮށްފިކަމަށް އެމްއެންޑީއެފް އިން ބުނެފިއެވެ.
އެކަމަށްޓަކައި އިއްޔެ ބަންޑާރަކޮށީގައި ބޭއްވި ޚާއްޞަ ރަސްމިއްޔާތެއްގައި ރަސްމީކޮށް އެ އުޅަނދުތައް ދިވެހި އަސްކަރިއްޔާއާޢި ހަވާލުކޮށްދެއްވީ މިހާރު ރާއްޖެވަޑައިގެން އުޅުއްވާ، އިންޑިއާގެ ފޮރިން ސެކްރެޓަރީ ވިނޭ މޯހަންކަމަށް އެމްއެންޑީއެފް އިން ބުންޏެވެ. އަދި ދިވެހި އަސްކަރިއްޔާއިން މި އުޅަނދުތަކާއި ހަވާލުވެލެއްވީ މިނިސްޓަރ އޮފް ޑިފެންސް މާރިޔާ އަހްމަދުކަމަށްވެސް އެމްއެންޑިއެފް އިން ހާމަކުރިއެވެ.
އެ ރަސްމިއްޔާތުގައި ޗީފް އޮފް ޑިފެންސް މޭހަރ ޖެނެރަލް ޢަބުދުﷲ ޝަމާލާއި ވައިސް ޗީފް އޮފް ޑިފެންސް ފޯސ ްބްރިގޭޑިއަރ ޖެނެރަލް ޢަބްދުއްރަޙީމް އަބްދުލްޠީފްގެ އިތުރަށް އެމްއެންޑީއެފްގެ ޖެނެރަލް އޮފްސަރުން ބައިވެރިވަޑައިގެންނެވިކަމަށް އެމްއެންޑީއެފް އިން މައުލޫމާތު ދިނެވެ.
