ސިފައިންގެ ބޯހިޔާވަހިކަމުގެ ޕްރޮޖެކްޓް "ސިފްކޯ ހިޔާ" ފުލެޓްތަކުގެ މަސައްކަތްތައް ކުރިއަށްދާގޮތް، މިނިސްޓަރ އޮފު ޑިފެންސް އަލްއުސްތާޒާ މާރިޔާ އަހުމަދު ދީދީ ބައްލަވާލައްވައިފިކަމަށް އެމްއެންޑީއެފްއިން މައުލޫމާތު ދީފިއެވެ.
އެމްއެންޑީއެފްއިން ބުނީ މިއަދު ޑިފެންސް މިނިސްޓަރ ސިފްކޯ ހިޔާ ފްލެޓްތަކުގެ މަސައްކަތް ކުރިޔަށްދާގޮތް ބައްލާލެއްވުމަށް ވަޑައިގަތުމުން އެކަމަނާއަށް މަރުހަބާދެންނެވީ ޗީފް އޮފް ޑިފެންސް ފޯސް މޭޖަރ ޖެނެރަލް އަބުދުﷲ ޝަމާއިލާއި ވައިސް ޗީފް އޮފް ޑެފެންސް ފޯސް ބްރިގޭޑިއަރ ޖެނެރަލް އަބްދުއްރަޙީމް އަބްދުލް ލަޠީފް ކަމަށެވެ.
ސިފްކޯ ހިޔާ ފްލެޓްގެ އަމަލީ މަސއްކަތްތައް ހުއްޓިފައިވަނިކޮށް އެ މަސައްކަތް އަލުން ފަށާފައިވަނީ މިސަރުކާރުން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ޚާއްޞަ ސަމާލުކަމެއް ދެއްވައިގެންނެވެ
އަދީ ޑިފެނސްމިންިސްޓަރ މާރިޔާދީދީވެސް އެ މަސައްކަތް ކުރިއަށްދާގޮތް ވަރަށް ގާތުން ބައްލަވާކަމަށް އެމްއެންޑީއެފް އިން ބުންޏެވެ.
ސިފައިންނާއި ސިފައިންގެ އާއިލާތަކަށް ބޯހިޔާވަހިކަން ފޯރުކޮށްދިނުމަށްޓަކައި ސިފްކޯ ހިޔާ ފްލެޓް ނަމުގައި ބިންގާ އެޅި 330 ފްލެޓްގެ މަސައްކަތް ފަށާފައިވަނީ 2013 ސެޕްޓެންބަރު މަހު 2 ވަނަ ދުވަހުއެވެ.
