ހއ. ދިއްދޫގައި އިމާރާތް ކުރަން ސަރުކާރުން ހަމަޖައްސައިފައިވާ 75 ހައުސިންގ ޔުނިޓުގެ ބިންގާ މިއަދު އަޅައިފިއެވެ.
ބިންގާ އަޅުއްވައި ދެއްވީ މިކަމަށްޓަކައި ދިއްދޫގައި މިއަދު ބޭއްވި ރަސްމިއްޔާތުގައި ޕްލޭނިން މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީނެވެ. މި ރަސްމިއްޔާތުގައި ހއ. އަތޮޅު ކައުންސިލްގެ ރައީސާއި، ދިއްދޫ ކައުންސިލް ރައީސާއި ދިއްދޫ ކައުންސިލް މެމްބަރުން ބައިވެރިވެވަޑައިގެންނެވިއެވެ.
މިއީ ޑިޒައިން އެންޑް ބިލްޑް އުސޫލުން އެސްޖޭއާ ހަވާލުކޮށްގެން ޕްލޭނިން މިނިސްޓްރީން ކުރިއަށް ގެންދާ މަސައްކަތެކެވެ. އެ ކުންފުންޏާ މި މަސައްކަތް ހަވާލުކުރީ މިއަހަރު އޯގަސްޓް މަސްތެރޭގައެވެ. މަސައްކަތް ނިންމަން ދީފައިވަނީ 365 ދުވަހެވެ. މި މަޝްރޫއުގެ އަގަކީ 120،405،400.00 ރުފިޔާ އެވެ. މަޝްރޫއުގެ ދަށުން 700 އަކަފޫޓްގެ 75 ރޯހައުސް އިމާރާތް ކުރާނެއެވެ.
މީގެ ކުރިން ވެސް އެމްޑީޕީ ސަރުކާރުން ވަނީ ދިއްދޫގައި 250 ގެ އަޅައިދީފައެވެ. މިއަދު 75 ހައުސިން ޔުނިޓުވެސް އަަަޅައިދެނީ އެމްޑީޕީގެސަރުކާރުން ކަމަށް އެރަށުގެ ރައްޔިތުން ވަނީ ބުނެފައެވެ.
