ހުޅުމާލޭގައި ކާރެއްގެ ތެރޭގައި މީހަކު ރަހީނުކޮށް، އަނިޔާކޮށް ބިރުދެއްކި މައްސަލައާ ގުޅިގެން ފުލުހުން މީހަކު ހައްޔަރުކޮށްފިއެވެ.
ފުލުހުން މި ކަން ހާމަކޮށްފައިވަނީ މިއަދު މީޑިއާތަކަށް ފޮނުވި މެސެޖެއްގައެވެ.
ފުލުހުން ބުނީ މި ހާދިސާ ހިނގާފައިވަނީ ނޮވެމްބަރު 11 ވަނަ ދުވަހުގެ ރޭގައި ހުޅުމާލޭ އޯކިޑްމާ ހިނގުމުގައި ކަމަށާއި މި މައްސަލާގައި ހައްޔަރުކޮށްފައިވަނީ މާލެ ދަފްތަރު ނަންބަރު ރސ 9022, ތޮލާލު މޫސާ (37 އ) ކަމަށެވެ.
އަދި ދިވެހި ފިރިހެނަކު ކާރެއްގެ ތެރޭގައި ރަހީނުކޮށް ހިފަހައްޓައި، އަނިޔާކޮށް ތޮލާލު ވަނީ ބިރުދައްކާފައި ކަމަށާއި އަދި އެ މީހާގެ އާއިލާގެ މީހުންނަށް ގުޅައި ފައިސާ ހޯދަން މަސައްކަތްކޮށްފައިވާ ކަމަށްވެސް ފުލުހުން ބުނެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
