ތާލިބާންގެ ވެރިން ތައުލީމީ ދާއިރާއާއި ވަޒީފާގައި އަންހެނުން ދުރުކުރުމުން، ތާލިބާނާ މަޝްވަރާއަށް އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) އިން ވަފްދެއް ފޮނުވައިފިއެވެ.
ސައުދީ އަރަބިއްޔާގެ ޖިއްދާގައި ބޭއްވި ބައްދަލުވުމެއްގައި އޯއައިސީގެ ސެކްރެޓަރީ ޖެނެރަލް ހިސެއިން ބްރަހިމް ތާހާ ވިދާޅުވީ އަފްޣާނިސްތާނުގައި އަންހެނުންގެ ހައްގުތަކަށް ތާލިބާނުން އަޅާފައިވާ ހުރަސްތަކާ ގުޅޭ ކަންބޮޑުވުންތަކަށް އަލިއަޅުވާލުމަކީ މިވަގުތުގެ ބޭނުންތެރި ކަމެއް ކަމަށެވެ. އދގެ ސަލާމަތީ މަޖިލީހުންވެސް ވަނީ ތާލިބާނުން މުޖުތަމައުގެ ދެބައިކުޅަ އެއްބައި މީހުންގެ ހައްގަށް ގަނޑުކޮށް އަރައިގެންފައިވާ މައްސަލައާ މެދު ބަހުސް ކުރުމަށް ރާވާފައެވެ. އަދި މެމްބަރުން އެއް އަޑަކުން ތާލިބާންނ ސެންސަރުކުރުމަށް ވެސް ގޮވާލާފައި ވެއެވެ.
ޅަފިރިހެން ކުދިންނާއި ފުރާވަރުގެ ކުދިން މުނުފޫހި ފިލުވަން ގެންގުޅޭ އަފްޣާނިސްތާން ތާލިބާންގެ މުއްލާއިން ވަނީ ތައުލީމު ދޭ މަރުކަޒުތަކާއި އަންހެނުން ގާތް ނުވުމަށް އަންގާފައެވެ. އަދި ފިރިހެން ޑޮކްޓަރުން އަންހެނުންނާ ގާތް ނުވުމަށާއި ހިލޭސާބަހަށް ކުރާ އެއްވެސް މަސައްކަތެއްގައިވެސް އެހީ ދިނުމުގައިވެސް އަންހެނުން ބައިވެރިވުން މަނާ ކޮށްފައެވެ.
ތާލިބާނުން އަޅާފައިވާ ފިޔަވަޅާ ދެކޮޅަށް، ޔުނިސެފުން އޮގަސްޓް މަހު ތައްޔާރުކުރި ރިޕޯޓެއްގައިވާ ގޮތުން އަފްޣާނިސްތާނުގެ އަންހެން ކުދިން ސާނަވީ ތައުލީމުން މަހުރޫމް ވުމުން ފާއިތުވި 12 މަސް ދުވަހުގެ ތެރޭގައި އެގައުމުގެ އިގްތިސާދަށް މަދުވެގެން 500 މިލިއަން ޑޮލަރުގެ ގެއްލުން ވެފައި ވެއެވެ. އެއީ ޖީޑީޕީގެ 2.5 ޕަސެންޓެވެ.
