ބްރަޒިލްގެ ސިފައިންނަށް ކުރީ ސަރުކާރުން ވިއާގްރާ ކާންދިނީ ކީއްވެގެން ތޯ ޕާލަމެންޓް މެމްބަރުން ސުއާލު އުފައްދައިފިއެވެ. މައުލޫމާތު ހޯދައި ލިބގަތުމުގެ ހައްގުގެ ދަށުން ހޯދި މައުލޫމާތަކުން އެނގުނީ ކުރީގެ ރައީސް ޖެއިރް ބޮލޮސްނާރޯގެ ވެރިކަމުގައި ސިފައިންނަށް ގިނަ އަދަދަކަށް ވިއާގްރާ ކާންދީފައިވާ ކަމަށެވެ.
ވިއާގްރާއަކީ ފިރިހެން ގުނަވަނުގެ ބާރު ޖައްސަން ކާންދޭ ޑޮކްޓަރީ ބޭހެކެވެ.
ބްރަޒިލްގެ ކޮންގްރެސް ވުމަން މާސެލޯ ފްރެއިޒޯ ވަނީ އެމައްސަލަ ތަހުގީގު ކުރުމަށް ޕްރޮސެކިއުޓާ ޖެނެރަލްއަށް ގޮވާލާފައެވެ. އެމްޕީން ބުނިގޮތުގައި ބޭސް ގަތުމަށް 143 ގުނަ އިތުރަށް ފައިސާ ދައްކާފައިވާ ކަމަށާއި ފިރިހެން ބޭސްގަތުމުގައި ބޮލޮސްނާރޯ ވައްކަން ކޮށްފައިވާ ކަމަށެވެ.
ސިފައިންނަށް ބޮލޮސްނާރޯ، ވިއާގްރާ ކާންދޭން 35 ހާސް ގުޅަ ބޭސް ގަނެދިންކަމަށް ލިޔެކިޔުންތަކުން ސާބިތުވާކަމަށް އެ މައުލޫމާތު ހާމަކުރި އެމްޕީން ޕާލަމެންޓްގައި ބުންޏެވެ.
