ތާލިބާން ސަރުކާރުން ފިހާރަތަކުގައި ބަހައްޓާފައިވާ މެނިކުއިންތަކުގައި ބުރުގާ އަޅުވައިފިއެވެ. އަންހެނުންގެ ސޫރައަށް އެލާޖިކްވުން އާންމު ވެފައިވާ ތާލިބާނުންގެ ހުކޫމަތުން ނިންމައިގެން ކާބުލްގެ ހެދުން ފިހާރަތަކުގެ ހުރިހައި މެނިކުއިނެއް ބުރުގާ އެޅުވުމަށް ބޭނުން ކޮށްފައި ވަނީ ކުނިއަޅަން ބޭނުން ކުރާ ބޮޑެތި ކޮތަޅުތަކެވެ.
ފިހާރަވެރިން ބުނާ ގޮތުގައި މެނިކުއިންތައް ބުރުގާ އަޅުވާފައި ވަނީ އެސޮރުމެން ސަލާމަތް ކުރުމުގެ ފިޔަވަޅެއްގެ ގޮތުންނެވެ. ތާލިބާނުންގެ ސަރުކާރުން އެދިފައި ވަނީ ހުރިހައި މެނިކުއިންއެއްގެ ކަރު ބުރިކޮށް، ބޯބުރި އެއްލާލުމަށެވެ. ނަމަވެސް ބުރުގާ އަޅުވައި މެދުމިނުގެ ހައްލަކަށް އައިސް އިސް މުއްލާގެ ފަތުވާއަށް ބަދަލު ގެނަސްފައިވަނީ ކަމަށެވެ.
2021ގައި ތާލިބާންގެ އަމުރު ބިލް މައުރޫފް މިނިސްޓްރީން ނެރުނު ފުރަތަމަ ފަތުވާގައި އޮތީ ފިހާރަތަކުގައި މެނިކުއިންތައް ބެހެއްޓުން ހަރާން ކޮށްފައެވެ. އެފަތުވާއާ ދެކޮޅު ހެދުމުން ދެން ބަދަލު ކުރި ފަތުވާގައި ބޯ ބުރި ނުކޮށް ބެހެއްޓުން ހަރާން ކުރީއެވެ. އަދި އެއަށް ދެކޮޅު ހެދުމުން، އެންމެ ފަހުން ކަޅު ކޮތަޅުން ބުރުގާ އެޅުވުން ހަލާލުކަމަށް ފަތުވާ ދިނީއެވެ.
