އިންޑިއާއާއި މިސްރުން ސިޔާސީ ގުޅުން ގާއިމް ކުރިތާ 75 އަހަރު ވެއްޖެއެވެ. އިންޑިއާގެ ޖުމްހޫރީ ދުވަހުގެ މުނާސަބާގައި ޝަރަފްވެރި މެހުމާނަކަށް ބައިވެރިވެ ވަޑައިގަންނަވާނީ މިސްރުގެ ރަައީސް އަބްދުލް ފައްތާޙުއްސީސީއެވެ.
އިންޑިއާއާއެކު މިސްރުން ސިޔާސީ ގުޅުން ގާއިމް ކުރީ އިންޑިއާ މިނިވަންވިތާ ތިން ވަނައަށްވީ ދުވަހުއެވެ.
އިންޑިއާގެ ޖުމްހޫރީ ދުވަހުގެ ޚާއްސަ މެހެމާނެއްގެ ގޮތުގައި ވަޑައިގަތުމަށް މިސްރުގެ ރައީސް އަބްދުލް ފައްތާހުއް ސީސީއަށް ދައުވަތު ދެއްވީ އިންޑިއާގެ ބޮޑުވަޒީރު ނަރެންދުރާ މޯދީ އެވެ.
އޭގެ އިތުރުން އިންޑިއާއިން ވަނީ މިއަހަރު އިންޑިއާގެ ރިއާސަތުގައި ބާއްވާ ޖީ20 ގެ މަހާސިންތާއަށްވެސް ޚާއސަ މެހެމާނެއްގެ ގޮތުގައި މިސްރަށް ދައުވަތު ދީފައެވެ.
