ދުނިޔޭގެ އެންމެ އާބާދީ ބޮޑު ގައުމުގެ ގޮތުގައި މިހާރު ހިމެނިއްޖެއެވެ. ބޯހިމެނުމާއި ޑިމޮގްރަފިކްސް އަށް ފޯކަސްކުރާ އަމިއްލަ ޖަމިއްޔާއެއް ކަމަށްވާ ވޯލްޑް ޕޮޕިއުލޭޝަން ރިވިއު އިން ލަފާކުރާ ގޮތުގައި 2022 ވަނަ އަހަރު ނިމުނުއިރު އިންޑިއާގެ އާބާދީ އޮތީ 1.417 ބިލިއަންގަ އެވެ.
އިންޑިއާއިން އެގައުމުގެ އާބާދީގެ އަދަދުތައް އެންމެ ފަހުން އިއުލާން ކުރިއިރު އިންޑިއާގެ އާބާދީ ވަނީ ޗައިނާ އިން ރިޕޯޓް ކޮށްފައިވާ 1.412 ބިލިއަނަށް ވުރެ 5 މިލިއަން އިތުރު ވެގެން ގޮސްފައެވެ.
އިންޑިއާގެ އާބާދީގެ ދެބައިކުޅަ އެއްބައި އުޅެނީ އުމުރުން 30 އަހަރުން ދަށުގައެވެ. އިންޑިއާއަކީ ކުރިއަށް އޮތް އަހަރުތަކުގައި ދުނިޔޭގެ އެންމެ ހަލުވިކަމާއެކު ކުރިއަރަމުން އަންނަ ބޮޑު އިގްތިސާދަށް ވާނެކަމަށް މުހައްލިލުން ބުނެއެވެ.
އާބާދީގެ ބައިބޯކަމުގެ ބޭނުން އެންމެ ފުރިހަމައަށް ހިފުމަށްޓަކައި، އިންޑިއާއިން ދަނީ ދަނޑުވެރިކަމުގެ ވަޒީފާތަކާ ދުރަށެވެ.އެހެންވެ އިންޑިއާއިން އައު ވައްތަރުގެ ވަޒީފާތައް ކޮންމެ އަހަރަކު އުފައްދައެވެ.
އާބާދީއާ ބެހޭ އދގެ އިދާރާއިން ކުރިން ލަފާ ކޮށްފައި އޮތީ އިންޑިއާ ދުނިޔޭގެ އެންމެ މީހުން ގިނަ ގައުމަކަށް ވާނީ މިއހަރުގެ ފަހުކޮޅުގައި ކަމަށެވެ.
