ނިއުޒިލެންޑްގެ ބޮޑު ވަޒީރު މަގާމުން އިސްތިއުފާ ދެއްވުމަށް ނިންމަފައިވިއެވެ. އުމުރުން 42 އަހަރގެ ބޮޑު ވަޒީރު ޖެސިންޑާ އާދެން އޮފީހުގައި ހުންނަވާނެ އެންމެ ފަހު ދުވަހަކީ، 7 ފެބްރުއަރީއެވެ. އާންމު އިންތިޚާބު ބޭއްވުމަށް ނިންމާފައި ވަނީ އޮކްޓޯބަރު މަހުގައެވެ.
ކީރިތި ކުރައްވަމުން މަގާމުން ދުރުވެވަޑައިގަންނަވާ ކަން އިއުލާން ކުރެއްވި އާޑެންގެ ފަހުން މަގާމާ ހވާލުވެ ވަޑައިގަންނަވާނީ ކޮން ބޭފުޅެއްކަން ސާފެއް ނުވެއެވެ. އެކަމަނާގެ ނާއިބު ގްރާންޓް ރޮބަރޓްސަން ވިދާޅުވީ ލީޑާޝިޕަށް ވާދަކުރައްވަން ބޭނުންފުޅު ނުވާ ކަމަށެވެ.
އާރޑެން އަކީ ކްރިސްޓްޗަރޗްގައި މިސްކިތަކަށް ނަސޯރާ ޓެރަރިސްޓަކު ދިން ޙަމަލާގައި ގިނަ މުސްލިމުން ޝަހީދުވި މައްސަލާގައި އެކަމަނާގެ ޚުލްގު ހެޔޮފުޅު ކަމުން ގިނަ ބަޔެއްގެ ތައުރީފު ލިބިވަޑައިގަތް ބޭފުޅެކެވެ.
އަދި ކޯވިޑާ ދޭތެރޭ އެކަމަނާ ހަރުކަށި ފިޔަވަޅުތަކެއް ގެންގުޅުއްވުމުން އެ ވަބާއިން ފުރާނަތައް އެންމެ މަދުން ގެއްލުނު ރާއްޖެފަދަ ގައުމުތަކުގެ ތެރޭގައި ނިއުޒިލެންޑްވެސް ހިމެނެއެވެ.
އިސްތިއުފާ ދެއްވިނަމަވެސް ނިއުޒިލެންޑް މީހުންގެ ގާތު އަދިވެސް އެންމެ މަގްބޫލު ބޮޑު ވަޒީރަކީ އެކަމަނާއެވެ.
