ޔޫރަޕްގެ ޕާލަމެންޓްގެ މެމްބަރުން ބޯ ކޮށް ރިޝްވަތު ނަގާކަން މިހަރު ބޭޒާރުވެއްޖެއެވެ. ބެލްޖިއަންގައި ހިނގަމުންދާ ތަހުގީގުގައި ހައްޔަރުކޮށްފައިވާ ފަރާތްތަކާއި ތަހުގީގު ކުރެވެމުންދާ ފަރާތްތަކުން ވަނީ އަދަބު ލުއިކޮށް ދިނުމުގެ މުގާބިލުގައި ރިޝްވަތު ދިނުމާއި ލިބިގަތުމާއި ފައިސާ ރައްކާކޮށް ފޮރުވުމުގެ ވިއުގައިގެ މައުލޫމާތު ތަފުސީލުކޮށްދޭން އެއްބަސްވެފައެވެ.
ޔޫރައޕިއަން ޕާލަމެންޓްގ ނާއިބް ރައީސް އީވާ ކައިލީ)ފޮޓޯގައި( އާއެކު ފަސް މީހަކު ވަނީ ތަހުގީގަށް ބަންދުކޮށްފައެވެ. އޭގައި އޭނާގެ ލޯބިވެރިޔާއާއި އޭނާއަށް މެދުވެރިއަކަށް ވެދިން ލޮބީސްޓް ވެސް ހިމެނެއެވެ.
ތަހުގީގު ކުރެވެމުންދާ ޔޫރަޕިއަން ޕާލަމެންޓްގެ ކުރީގެ މެންބަރެއް ކަމަށްވާ އިޓަލީވިލާތުގެ ޕިއޭ އެންތޯނިއޯ ޕިންޒެރީ 67އ. ވަނީ ރިޝްވަތުގެ ވިއުގައިގެ ތަފްސީލު ދޭން އެއްބަސްވެފައެވެ. ކައިލީވެސް ވަނީ މީހުންގެ ނަމާއ ގައުމުތަކުގެ ނަންތައ ްކިޔައި ދީފައެވެ.
މީޑިއާގައި ރިޝްވަތު ދިންކަމަށް ބުނެ އަދި ނަންކިޔާފައިވާ ދެގައުމަކީ ޤަތަރާއި މޮރޮކޯއެވެ.
މިމީހުން ތަހުގީގަށް އެއް ބާރުލުން ދިނުމުން އަދަދު ފަސް އަހަރުގެ ޖަލު ޙުކުމަކަށް ލުއިވާނެ ކަމަށް ބެލެވެއެވެ.
