އެމެރިކާގެ މިޒޫރީގެ ގާނޫނު ހަދާ މަޖިލީހުން ތާލިބާން ސަރުކާރު ކޮޕީކޮށްފިއެވެ. ފިރިހެނުންގެ އަދަދު ގިނަ ގާނޫނު ހަދާ މަޖިލީހުގައި 105 ވޯޓު 51 އެއް ވޯޓުން ފާސްކޮށްފައި ވަނީ ގާނޫނު ހަދާ މަޖިލީހަށް އަންނަ އިރު ޚާއްސަ ހެދުމެއް ލައިގެން އައުމަށެވެ.
މި ގާނޫނަށް ފާޑުކީ ފަރާތަކުން ބުނެފައި ވަނީ ފިރިހެނުން ލައިގެން ތިބޭ ހެދުމަށް އަންހެނުން ކޮންމެ ދުވަހަކު ބަލައި ފާޑު ކިޔުން ރީތިވާނެ ހެއްޔެވެ؟
އަދި އެހެން ފަރާތަކުން ބުނެފައި ވަނީ އަންހެނުންގެ ވިސްނުން ތޫނުކަމާއި އެމީހުން ވެދޭ އިލްމީ ޙިއްސާއަށް ނުބަލައި އެމީހުންގެ ހެދުމަށް ބަލައިގެން ކަންކަން ނިންމުން އެއީ ކޮން ކަހަލަ ކަމެއް ހެއްޔެވެ؟
އެހެން މީހަކު ބުނެފައި ވަނީ ސިޔާސީ ކަންކަން ނިންމުމަށް ވުރެން އަންހެނުންނަށް ބަަލަހައްޓައިގެން ތާކުން ތާކު ނުޖެހޭ މަސައްކަތުގައި މަޖިލިސް މެމްބަރުން ވަގުތު ހޭދަ ކުރަނީ ކަމަށެވެ.
އައު ގާނޫނު ބުނާ ގޮތުން އަންހެނުން އަންނަން ޖެހޭނީ ފައިތިލަ ނިވާ ކޮށްގެން ކަރުވަޅު ނިވާކުރާ، އުޅަބޮއްޓާ ހަމައަށް ފޮރުވިފައިވާ ވައްތަރުގެ ހެދުމެއް ލައިގެން ކަމަށެވެ.
