ހުޅަނގުގެ ގައުމުތަކުން ދަނީ ރަޝިޔ ާމެދުވެރިކޮށް ކުލީ ހަނގުރާމައެއް ކުރުވަމުން ކަމަށް ރަޝޮޔާގެ ޚާރިޖީ ވަޒީރު ސަރޖޭ ލާވްރޯވް ވިދާޅުވެއެވެ. ނޫސްވެރިންނާ ވާހަކަ ދައްކަވަމުން އޭނާ ވިދާޅުވީ، ހުޅަނގުން ދަނީ ހިޓްލަރު ޔަހޫދީންގެ ކަންކަން ނިންމާލަން އުޅުނު ގޮތަށް ރަޝިޔާގެ ދުވަސް ދުއްވާލަން ވެގެން ކަމަށެވެ.
"ނޭޕޮލިއަން އުޅުނީ ރަޝިޔާގެ ސަރުކާރާ ދެކޮޅަށް ގާތްގަނޑަކަށް މުޅި ޔޫރަޕުގެ ފައުޖުތައް އެއްކޮށްގެން. އެގޮތަށް ހިޓްލަރު ޔޫރަޕްގެ ގިނަ ގައުމުތައް އަތުލައިގަތް ގޮތަށް މިހާރު އެމެރިކާއިން ވަނީ ރަޝިޔާއާ ދެކޮޅަށް ކޯލިޝަނެއް އުފައްދާފައި،" ނޫސްވެރިންގެ ބައްދަލުވުުމުގައި ލަވްރޯވް ވިދާޅުވި އެވެ.
އޭނާ ވިދާޅުވީ، ހުޅަނގުގެ ގައުމުތަކުން "ޔޫކްރޭން މެދުވެރިކޮށް ކުލީ ހަނގުރމައެއް ރަޝިޔާއާ ދެކޮޅަށް ކުރަމުންދާ" ކަމަށެވެ.
"ކުރަނީ ހަމަ އެއް ކަމެއް. ބޭނުން ވެގެން އުޅެނީ ރަޝިޔާގެ ދުވަސް ދުއްވާލަން. ހިޓިލަރުވެސް އުޅުނު އެ ގޮތަށް ޔަހޫދީންގެ ދުވަސް ދުއްވާލަން." އޭނާ ވިދާޅުވިއެވެ.
