މިއަހަރުގެ ވެލެންޓައިންސް ޑޭ ފާހަގަ ކުރާއިރު ތިބާގެ ހިތް ޒަޚަމް ކޮށްފައިވާ އެކްސް މަތިން ހަނދާން ކޮށްލަން ބޭނުން ހެއްޔެވެ؟ ކެނެޑާގެ ޓޮރޮންޓޯ ޒޫ އިން ވަނީ އެފަދަ ފަރާތްތަކަށް ވެލެންޓެއިންސް ޑޭއަށް ފަރުވާއެއް ހޯދައި ދީފައެވެ.
ޓޮރޮންޓޯ ޒޫގައި ގެންގުޅޭ ކުރަފި ކޮށީގެ ކުރެއްޕަކަށް ތިބާގެ ހިތް ޒަޚަމް ކޮށްފައިވާ ލޯބިވެރިޔާގެ ނަމުން ނަން ދެވިދާނެއެވެ. އެކަމަށް ހޭދަ ކުރަން ޖެހެނީ އެންމެ 25 ޑޮލަރެވެ!
މިކަން ވެގެން ދިޔައީ ލޯބީގެ ޖާދޫން ހިތް ކުދިކުދިވި އެތައް ބަޔަކަށް ފަރުވާއަކަށެވެ. ނަތީޖާއެއްގެ ގޮތުން ޒުލުން ހީކުރި ވަރަށް ވުރެން އެކަމަށް ޑިމާންޑް ބޮޑު ވެގެން ދިޔައެވެ. އެންމެ ފަހުން ހައިވާނު ބަގީޗާއިން ބުނެފައި ވަނީ ކުރަފި ކޮށީގައި އެންމެނަށް ނަން ދޭން ބޭނުންވާ ވަރަށް ކުރަފި ނެތުމުން އެކަމުގެ ދޮރު މިހިސާބުން ބަންދުވީ ކަމަށެވެ.
