ބޭނުންވާ ތަކެތި:
- 2 ޖޯޑު ގާނާފައިހުރި ބަރަބޯ
- 4 ޖޯޑު ފެން
- 6 އިންޗީގެ ރާނބާ
- 1 ދަޅު ގެރި ކިރު
- 3 އިންޗި ފޮނިތޮށި
- 3 ކާފޫރު ތޮޅި
- ½ 1 މޭޒުމަތީ ސަމުސާ ކޯންފްލާ
- 1/3 ޖޯޑު ފެން (ކޯންފްލާ ގިރަން)
- 1 ސައިސަމުސާ ރޯޒްވޯޓަރ
- މައްޗަށް ބުރުވާލާނެ ކަނަމަދުކޮޅެއް
ތައްޔާރު ކުރާނެ ގޮތް:
ބަރަބޯ ގާނާށެވެ. ފެނާއި ރާނބާފަތް ތެއްޔަކަށް އަޅާ އެ ރަނގަޅަށް ކައްކާށެވެ. ކެކެން ފެށުމުން ދެމިނެޓެއްހާވަރު، ރަހަ ނުކުންނަ ވަރަށް ކެކުމުން ރާނބާފަތުގެ ވަސް ގަދަވާން ފަށާނެއެބެ. ދެން އެއަށް ބަރަބޯ ކޮޅު އަޅާށެވެ. ބަރަބޯ މަޑުވަންދެން މެދުގިނީގައި ކައްކާށެވެ. ގާތްގަނޑަކަށް 15 މިނެޓާއި 30 މިނެޓާ ދެމެދުން ބަރަބޯ ރަނގަޅަށް މަޑުވެދާނެއެވެ. އެއަށްފަހު ގެރިކިރާއި، ފޮނިތޮށްޓާއި، ކާފޫރުތޮޅި އެއަށް އަޅާ އެއްކޮށްލާށެވެ. 10 މިނިޓުވަރު މެދު ގިނީގައި ކައްކާށެވެ. ކޯންފްލާ ކޮޅު ފެންފޮދަކަށް އެއްކޮށްލާފައި ތެއްޔަށް އަޅާލާށެވެ. ރަނގަޅަށް އެއްކޮށްލާފައި އެއްކުރި ބަރަބޯއާއިއެހެން ބައިތައް އެކުވެ އޮލަވަންދެން ރަނގަޅަށް ކައްކާށެވެ. ފަނަރަ ވަރަކަށް މިނެޓާއި 30 މިނެޓާ ދެމެދުން ބަލާށެެވެ.
ރޯޒްވޯޓަރކޮޅު އެއްކޮށްލާފައި އުނދުން ނިވާލާށެވެ. ތެލީގައި ހުރި ތަކެތި ތަބަކަކަށް އަޅާށެވެ. ކަނަމަދުތައް މެދުން ފަޅާލާފައި އޭގެ މަތީގައި އަތުރާލާށެވެ. ކެއުމުގެ ކުރިން ފުރިޖުކޮށް ފިނިކޮށްލުމުން ކެއުމުގައި ރަހައާއެކު ތާޒާކަން އަންނާނެއެެވެ.
