ބޭނުންވާ ތަކެތި
- 4 ދިވެހި ދޮން އަނބު
- 2 މޭޒުމަތީ ސަމުސާ މުގުރި ކޮތަނބިރި
- 1 މޭޒުމަތީ ސަމުސާ މުގުރި ދަވިއްގަނދު
- ½ މޭޒުމަތީ ސަމުސާ މުގުރި ދިރި
- ½ މޭޒުމަތީ ސަމުސާ ތެޅި މިރުސް
- ½ ގިތެޔޮ މިރުސް
- 1 ފިޔާ
- 2 ލޮނުމެދު
- ½ އިނޗީގެ އިނގުރު ކޮޅެއް
- 10 ހިކަނދިފަތް
- 6 އިންޗީގެ ރާނބާފަތް ކޮޅެއް
- 4 ކާފޫރުތޮޅި
- 3 އިންޗީގެ ފޮނިތޮށި ކޮޅެއް
- ½ ޖޯޑު ކާށިކިރު
- ½ ޖޯޑު ފެން
- ½ ޖޯޑު ތުނިކޮށް ކޮށާފައި ހުރި ހިކިމަސް
- 2 މޭޒުމަތީ ސަމުސާ ތެޔޮ
- ½ ސައިސަމުސާ ލޮނު
ހަދާނެގޮތް:
ފިޔާ ތުނިކޮށް ކޮށާށެވެ. ކާފޫރުތޮޅިތައް ކޮޅުން ހުޅުވާލާށެވެ. އަދި އިނގުރާއި ލޮނުމެދުކޮޅު ސަމުސަލެއްގެ އަނެއްފުށް ފަދަ އެއްޗެއް ބޭނުން ކޮށްގެން ރަނގަޅަށް ޗަސްކޮށްލާށެވެ. އަނބު ކޮށައިގެން ނުވަތަ އަނބު އޮތްގޮތަށް ވެސް ބޭނުން ކުރެއެވެ. ތެއްޔަކަށް ތެޔޮކޮޅު އަޅައި އެ ރަނގަޅަށް ހޫނުކުރުމަށްފަހު ތެއްޔަށް ފިޔާކޮޅާއި ކާފޫރުތޮޅިކޮޅާއި ފޮނިތޮށިކޮޅާއި ރާނބާފަތްކޮޅާއި ގިތެޔޮމިރުހާއި ހިކަނދިފަތްކޮޅު އަޅާލާށެވެ. ފިޔާކޮޅު ރަތްވާން ފަށްޓަންދެން ކައްކާލާށެވެ. ގިނި ބަހައްޓާނީ މެދު މިނެއްގައެވެ.
ޗަސްކުރި ލޮނުމެދާއި އިނގުރުކޮޅު ތެއްޔަށް އަޅައި ރަނގަޅަށް އެއްކޮށްލާފައި ތިރީހަކަށް ސިކުންތު ކައްކާލާށެވެ. ދެން ކޮތަނބިރި، ދަވިއްގަނދު، ދިރި އަދި ތެޅިމިރުސްކޮޅު ތެއްޔަށް އަޅާލާ އެއްކޮށްލުމަށްފަހު ތިރީހަކަށް ސިކުންތު ކައްކާލާށެވެ. ދެން ދޮންއަނބުކޮޅާއި ކާށިކިރާއި ލޮނާއި ފެނާއި ހިކިމަސްކޮޅު ތެއްޔަށް އަޅައި ރަނގަޅަށް އެއްކޮށްލުމަށްފަހު ތެލީގެ މަތިޖަހައި ގިނިމަޑުކޮށްލާށެވެ.
15 މިނެޓެއް ހާއިރު ކައްކާލާށެވެ. އުނދުން ނިވާލުމުގެ ކުރިން ރަހަބަލާލާފައި ކަމުދާގޮތަކަށް ރަހަ ހެޔޮވަރުކޮށްލާށެވެ.
ތީ އަހަންނަގެ ރަޓެ މީހެނެ ކަނެ އެއްތެކެނުން. ލިނބޯ ފަނި މީރެކޮޓެ ހަދަން ލިކާ ބޮނަހެލެ ދިޔާންނޭ