ބޭނުންވާ ތަކެތި:
- 1 ޖޯޑު ކުދިކޮށް ކޮށާފައިހުރި ފުފޫ
- 3 ޖޯޑު ފެން
- 3 މޭޒުމަތީ ސަމުސާ ހަނޑޫ ފުށް ޖޯޑު
- ބައި ޖޯޑު ހަކުރު
- ރާނބާފަތް
- ބައި ޖޯޑު ބޯކިރު
- 1 މޭޒުމަތީ ސަމުސާ ފިނިފެން
ތައްޔާރު ކުރާނެ ގޮތް:
ތެއްޔެއްގައި ފެން ރަނގަޅަށް ކައްކާށެވެ. ފެންގަނޑު ކެކިގަތުމުން ކޮށާފައި ހުރި ފުފޫކޮޅު ފެނަށް އަޅާލާށެވެ. ފުފޫކޮޅު މަޑުވަންދެން ކައްކާށެވެ. މަޑުވީމާ ފުފޫކޮޅުގެ ކުލަ ބަދަލުވެ އެތެރެ ފެންނަ ކަހަލަ ގޮތަކަށް ބަދަލުވާނެއެވެ. ފުފޫކޮޅު މަޑުވީމާ ފުރާނާލާފައި ފެންގަނޑު އުކާލާށެވެ. ދެން އެއްޗަކަށް އަޅާފައި ބަހައްޓާށެވެ. ފުފޫ މަޑުކުރަން ބޭނުންކުރި ތެލީގެ ތެރެއަށް އަނެއްކާވެސް ½ 1 ޖޯޑު ފެން އަޅާށެވެ. އަދި ހަކުރާއި ރާނބާފަތްކޮޅުވެސް މާފެންފޮދެއް ހުރިނަމަ އެވެސް އަޅާލާށެވެ. ދެން އަނެއްކާވެސް ރަނގަޅަށް ކައްކާށެވެ. ހަކުރު އެޅި ފެންގަނޑު ކެކެން ވާއިރަށް ހަނޑޫފުށްކޮޅާއި ¼ ޖޯޑު ފެން އެއްޗަކަށް އަޅާ އެއްކޮށްލާފައި ބަހައްޓާށެވެ. ހަކުރު އެޅި ފެންގަނޑު ކެކި ގަތުމުން، ކުރިން މަޑުކުރި ފުފޫކޮޅާއި ފެންއަޅާފައި ފޯކުރަން ބެހެއްޓި ހަނޑޫފުށްކޮޅު އޭގެތެރެއަށް އަޅާ އެއްކޮށްލާށެވެ.
އުނދުން ގިނި މަޑުކޮށް ބަހައްޓައިގެން ފުފޫއެތި އޮލަވަންދެން ކައްކާށެވެ. ކެކެމުންދާއިރު ރަނގަޅަށް އެއްކުރަމުން ނުދާނަމަ ގަނޑުގަނޑަށް ހުރެދާނެއެވެ. ދެން ބޯކިރުކޮޅު ތެލީގެ ތެރެއަށް އަޅާފައި ރަނގަޅަށް އެއްކޮށްލާށެވެ. އުނދުން ނިވާލާފައި ފިނިފެންފޮދު އަޅާ އެއްކޮށްލާށެވެ. އެހެރީ ފުފުލުގައި ކަނދި ކެކިފައެވެ.
