ހަލި ސުފުރާ: ގާރލިކް އެންޑް ލެމަން ޕާސްތާ

ބޭނުންވާ ތަކެތި

• 2 ޖޯޑު ބައި ކަރަފާލޯ ޕާސްތާ ކައްކާފައި ހުރި

• 1 މޭޒުމަތީ ސަމުސާލޮނުމެދު ޗިސްކޮށްފައި ހުރި
• 1 ފަޅި ފިޔާ ހިމުންކޮށް ކޮށާފައި ހުރި
• 1 ހިކަނދިފަތް
• 3/1 ސައި ސަމުސާ ގިތެޔޮމިރުސް ވަރަށް ހިމުން ކޮށް ކޮށާފައި ހުރި
• 2/1 ސައި ސަމުސާ ޗިކަންކިއުބް
• 1/3 ސައި ސަމުސާ މަސްޓަރޑް ސީޑްސް
• ލޮނުކޮޅެއް
• 1 ފަޅި ލުނބޯ
• 2 ހިކި މިރުސް ބުރި ބުރިކޮށްފައި
• ކުޑަ ރީނދޫކޮޅެއް
• ތެޔޮފޮދެއް

ތައްޔާރު ކުރާނެ ގޮތް

ފުރަތަމަ ތަވާ އުނދުން މައްޗަށް އުދާލާށެވެ. ކުޑަ ތެޔޮ ފޮދެއް އަޅާލާފައި ހޫނުވީމާ މަސްޓަރޑް ސީޑްސްކޮޅު އަޅާފައި މަޑުގިނީގައި ބަހައްޓައިގެން ދޭފަތުން އެއްކުރަމުން ދާށެވެ. އޮށްތައް ކުޑަކޮށް ފުފުމުން ފިޔާ، މިރުސް ހިކި މިރުސް ގިތެޔޮ މިރުސް ހިކަނދިފަތް އެއްކޮށް އަޅާލާށެވެ. ރީނދޫ ކޮޅު ވެސް ލާށެވެ.ލޮނުމެދު ކޮޅު ވެސް ލާށެވެ.

ފިޔާކޮޅު ރަތްވާން ފެށުމުން ޕާސްތާ ވެސް އަޅާފައި ލޮނުކޮޅު ވެސް އެއްކޮށްފައި ރަހަ ރަނގަޅަށް އެކުވެލީމާ، ހުތް ރަހަދޭވަރަށް ލުނބޯ ހުތް ފޮދު އަޅާފައި އެއްކޮށްލުމަށްފަހު އުނދުން މަތިން ބާލާށެވެ.