ވެމްކޯއިން މިރޭ ނެރުނު ބަޔާނެއްގައި އޭޕްރީލް 17 ވާ ބުރާސްފަތި ދުވަހުން ފެށިގެން (ބިންލައިނަރ) ޕްލާސްޓިކް ޑަސްޓްބިން ކޮތަޅު ވިއްކަން ފަށާނެ ކަމަށް ބުނެފިއެވެ. ކުނި މެނޭޖުކުރުމުގެ ގާނޫނުގެ ދަށުން ޕްލާސްޓިކް ކޮތަޅުން ދެ ރުފިޔާގެ ފީއެއް ނަގަން ފެށުމާ ގުޅިގެން ވެމްކޯއިން ފޯރުކޮށްދޭން ޖެހޭ ކޮތަޅު އެކުންފުނިން ވިއްކަން ފަށާ ވާހަކަ އިއުލާން ކޮށްފައި މިވަނީ، ޕްލާސްޓިކް ކޮތަޅުން ފީ ނަގަން ފެށުމާއެކު އާންމުންގެ ގިނަ ކަންބޮޑުވުންތަކެއް ފެންމަތިވެފައި ވަނިކޮށެވެ.
ވިޔަފާރިތަކުން ދޫކުރާ ކޮތަޅުން ރުފިޔާ ނަގަން ލާޒިމެވެ. ނަމަވެސް ކުނި މެނޭޖް ކުރުމާ ގުޅޭ އިދާރާ އިން ފޯރުކޮށްދޭ ކޮތަޅުން ފީ ނަގައިގެން ނުވާނެ ކަމަށް ގާނޫނުގައި ބަޔާން ކޮށްފައިވެއެވެ. އެހެނެއްކަމަކު ގާނޫނަކުން އަމަލު ކުރަން ފެށިއިރު ވެސް އެކަން އޮތީ ނުވެއެވެ.
ކަންތައް މިހިސާބަށް ގޮސް، އާންމު ރައްޔިތުންގެ ކޮންމެ ދުވަހެއްގެ ކަންބޮޑުވުމަކަށް މިކަން ވެފައިވަނިކޮށް ވެމްކޯއިން މިރޭ ނެރުނު ބަޔާނެއްގައި ވެމްކޯ ވޭސްޓް ޓްރާންސްފާ ސްޓޭޝަންތަކުގެ ފްރޮންޓް އޮފީސްތަކުން ބިންލައިނަރ ގަންނަން ލިބޭނެ ކަމަށް މިވަނީ ބުނެފައެވެ.
ވެމްކޯއިން ވަނީ ތިން ސައިޒެއްގެ ކޮތަޅެއް ވިއްކަން ވަނީ ނިންމާފައެވެ. އެއީ
- 17"11 ގެ ކޮތަޅާއި
- 27"18ގެ ކޮތަޅާއި
- 36"48 ސައިޒުގެ ކޮތަޅެވެ.
މި ކޮތަޅުތަކުގެ ތެރެއިން ނެތިފަނާވެދާ ކުނި ބަންދުކުރާނީ ފެހިކުލައިގެ ކޮތަޅުގައި ކަމަށާއި އެހެނިހެން ކުނި ބަންދުކުރާނީ ކަޅު ކުލައިގެން ކޮތަޅުގައި ކަމަށް އެ ކުންފުނިން ބުނެ އެވެ.
މި ކޮތަޅު ހަމައެކަނި ކުނި އުކާލުމަށް ބޭނުން ކުރުމަށް އެ ކުންފުނިން ވަނީ އިލްތިމާސްކޮށްފައެވެ. ކޮތަޅު ވިއްކާ ކަމަށް އަންގާފައިވީ ނަމަވެސް ކޮތަޅު ވިއްކާ އަގު އާންމުކޮށްފައެއް ނުވެއެވެ.
ވެމްކޯއިން ކޮތަޅުވިއްކީމަ ތިމާވެށިރައްކާކުރުމަށް އެޅޭ ރަނަޅު ފިޔަވަޅެއްތޯ ނޫނީ ނިކަމެތި ރައްޔިތުން އިތުރަށް ނިކަމެތި ކޮލުމަށް އިތުރު ފައިސާތަކެއް ހަރަދުކުުރުވުމަށް ސަރުކާރުން އެޅި ފިޔަވަޅެއްތޯ އަދި ޕްލާސްޓިކް ކޮތަޅުން ތިމާވެށި ހަލާކުވާނަމަ އެއްގޮތަކައްވެސް ޕްލާޓިކްގެ ބާވަތްތައް އެތެރެ ނުކޮއް ހުއްޓާލަންވީނޫންދޯ ރައްއިތުގެ އަތުން 2ރުފިޔާ ނޫން ހޯދަންވީ މިހާރުން މިހާރަށް ޕްލާސްޓިކައް ނޯ އޭބުނެފަ އެތެރެނުކުރަންވީ
ވެމްކޯއިން ޕްލާސްޓިކް ކޮތަޅު ވިއްކީމަ ތިމާވެށި ހަލާކުނުވޭދޯ ތިމާވެށި ރައްކާތެރިދޯވަނީ؟
ތިޔަ އުޅުއްވަނީ އިޚްލާސްތެރި ކަމާއިއެކު ޕްލާސްޓިކް މަދު ކުރަން ކަމުގައިވާނަމަ، އެންމެ ފުރަތަމަ ހުޅުމާލޭގައި މި ހިންގާ ފެކްޓަރީތަކުގައި އަދަދެއް، ބޯތުނިމިނެއް، ސައިޒެއް ބެލުމެއްނެތި، ހަދަމުން މުޅި ރާއްޖޭގެ ބާޒާރަށް ނެރެމުން މިދާ ކޮތަޅުތައް ހުއްޓުވާށެވެ. ރެޑީމޭޑް ކޮތަޅު އިމްޕޯރޓް ކުރާއިރު 400 ޕަރސަންޓް ޑިޔުޓީ ނަގާއިރު މިފެކްޓަރީ ތަކުން ރޯމެޓީރިއަލް އެތެރެ ކުރަނީ އެންމެ 25 ޕަސަންޓް ޑިޔުޓީ ދީގެންނެވެ. އަދި މިފެކްޓަރީ ތަކުގައި ހެދޭ ކޮތަޅުގެ ބޯމިން ނުވަތަ ސައިޒް ބަލާނެ އެއްވެސް ފަރާތެއް ނެތެވެ. އަދި ބެލޭނެގޮތެއްވެސް ނެތެވެ. ކޮންމެ ފެކްޓަރީއެއް މިހުންނަނީ އިންޑަސްޓްރިއަލް ޒޯންގައި ބަޑޭރި ކޮއްޓަށްވުރެން ސެކިޔުރިޓީ ވަރުގަދަ ކޮއްފައެވެ. އެއްވެސް ދިވެއްސަކަށް މިއިން ތަނަކަށް ނުވަދެވޭނެއެވެ. ލީސާ މޯލްޑިވްސްގެ ދިވެހި މުވައްޒިފުން ކޮތަޅު ޑިލުވަރީއަށް އަޔަސް ތިބެން ޖެހޭނީ ބޭރު ބައިގައެވެ. މެޝިންތައް ހުންނަ ބަޔަކަށް ނުވަދެވޭނެއެވެ. ކަސްޓަމަށް ކޮތަޅުގެ ބޯމިން ބަލާ މެސިން އީޕީއޭ އިން ދިނަސް އޭގެ ބޭނުމެއް ކުރާކަށް ނުޖެހޭނެއެވެ. މިއީ މާ ދުރާލާ ރާވައިގެން ކޮތަޅު އިމްޕޯރޓް ކުރިޔަނުދީ މިމިހުން ވަކި ބަޔަކަށް މިވިޔަފާރި ދިނުމަށް ހިންގާފައިވާ ޖަރީމާއެކެވެ.