ހުޅުމާލޭގައި ހިނގި އެކްސިޑެންޓެއްގައި، ޕާކުކޮށްފައި ހުރި ސައިކަލުތަކަކަށް ގެއްލުންވެއްޖެއެވެ.
ހުޅުމާލޭ ނިރޮޅު މަގުން ދުއްވާފައި ދިޔަ ކާރެއް ޕާކުކޮށްފައި ހުރި ސައިކަލުތަކެއްގައި ޖެހި އެކްސިޑެންޓެއް ހިނގައިފިއެވެ. އަދި ޕާކުކޮށްފައި ހުރި ބައިސްކަލަކަށާއި ސައިކަލުތަކަށް ވަނީ ގެއްލުންވެފައެވެ.
ފުލުހުން ބުނީ ރޭ 20:52 ހުޅުމާލޭގައި އެކްސިޑެންޓެއް ހިނގާފައިވާކަމުގެ މައުލޫމާތު ލިބިފައިވާ ކަމަށެވެ. މި އެކްސިޑެންޓުގައި މީހަކަށް އަނިޔާއެއް ނުވާ ކަމަށާއި ނަމަވެސް ހަ ސައިކަލާއި ބައިސްކަލަކަށް އެކިވަރުގެ ގެއްލުން ލިބިފައިވާ ކަމަށެވެ.
އެކްސިޑެންޓްގެ މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.
