އަންނަ މަހުގެ ނުވަވަނަ ދުވަހު ބާއްވާ ރިޔާސީ އިންތިހާބުގައި ވާދަކުރައްވާ އިދިކޮޅު ޕްރޮގްރެސިވް ކޮންގްރެސް ކޯލިޝަންގެ ކެންޑިޑޭޓް, ޑރ. މުހައްމަދު މުއިއްޒާއި އޭނާގެ ރަނިންމޭޓް, ފަރެސްމާތޮޑާ ދާއިރާގެ މަޖިލިސް މެންބަރު ހުސެއިން މުހައްމަދު ލަތީފުގެ ކެމްޕެއިން ދަތުރުތައް ފައްޓަވައިފިއެވެ.
ކޯލިޝަންގެ ލީޑާޝިޕްގެ ބޭފުޅުންނާ އެކު މުއިއްޒުގެ ކެމްޕެއިން ދަތުރުތައް މިއަދު ފެއްޓެވީ ރާއްޖޭގެ އުތުރުންނެވެ. މުއިއްޒުގެ ކެމްޕޭން ޓީމުން މައުލޫމާތުދޭ ގޮތުގައި ތިން ދުވަހަށް ކުރައްވާ އެ ދަތުރުގައި ހއ. އަދި ހދ. އަތޮޅުގެ 11 ރަށަކަށް ވަޑައިގަންނަވާނެ ކަމަށް ވެއެވެ.
މުއިއްޒުގެ މި ދަތުރުގައި އެންމެ ފުރަތަމަ ވަޑައިގެންފައިވަނީ ހަނިމާދޫއަށެވެ. އެއަށްފަހު ނޮޅިވަރަމް އަދި ކުޅުދުއްފުއްޓަށް މިއަދު ވަޑައިގަންނަވަން ވަނީ ހަމަޖެހިފައެވެ. އަދި މިރޭ، ކުޅުދުއްފުށީގައި ކެމްޕޭން ޖަލްސާއެއް ބާއްވަން ވަނީ ނިންމައިފައެވެ.
މުއިއްޒުގެ ކެމްޕޭން ޑޯ ޓު ޑޯ ފަށްޓަވާފައި ވަނީ މިދިޔަ ބުރާސްފަތި މާލޭގައި، ދުވަހު ދޮރުން ދޮރަށް ހަރަކާތްވެސް ފައްޓަވައިފައެވެ. އެންމެ ފުރަތަމަ އޭނާ އެ ހަރަކާތް ހިންގަވާފައިވަނީ ހިޔާ ފްލެޓުގައެވެ.
