ފަލަސްޠީނަށް އދ. ގެ ފުރިހަމަ މެންބަރުކަން ދިނުމަށް އދ. ގެ ޢާންމު މަޖިލީހުން ނިންމި ނިންމުމަކީ ފަލަސްޠީނަށް އިންސާފު ހޯދައިދިނުމަށް ކުރަމުންދާ މަސައްކަތުގައި ލިބުނު ތާރީޚީ ކާމިޔާބީއެއްކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ
ރައީސް މިހެން ވިދާޅުވީ ފަލަސްތީނަށް ފުރިހަމަ މެމްބަރުކަން ދިނުމަށް ގަރާރު ފާސްކުރުމާ ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައެވެ.
ރައީސުލްޖުމްހޫރިއްޔާ ޑޮކްޓަރ މުޢިއްޒު ވާހަކަފުޅުގައި، ފަލަސްޠީނުގެ ރައްޔިތުންގެ ހިތްވަރާއި ސާބިތުކަމަށް ތައުރީފިކަށް ފަލަސްޠީނުގެ އިސްތިޤްލާލާއި މިނިވަންކަމަށް ޓަކައި ފަލަސްޠީނުގެ އުއްމީދުތަކަށް އެއްބާރުލުން ދިނުމުގައި ދިވެހިރާއްޖެއިން ދެމިއޮންނާނެކަމުގެ ޔަޤީންކަން ވަނީ ދެއްވާފައެވެ.
ރައީސް މުޢިއްޒު ވިދާޅުވީ، ފަލަސްޠީނުގެ މިނިވަން ދައުލަތެއް ޤާއިމުކޮށް 1967ގެ ކުރިން އޮތްގޮތަށް، ފަލަސްތީނުގެ ވަރި ރަށަކީ އިރުމަތީ ގުދުސް ކަމުގައި ރާއްޖެއިން އަބަދުވެސް ވަކާލާތު ކުރައްވަމުން ގެންދަވާނެކަމަށެވެ.
ރާއްޖެއިން ކޯ ސްޕޮންސާކުރި މި ގަރާރަށް ބޮޑު އަޣުލަބިއްޔަތެއް ލިބުނީ 143 މެންބަރުންގެ ވޯޓުންނެވެ. އދ. ގެ ސަލާމަތީ މަޖިލީހުގައި ވީޓޯގެ ބާރުގެ ބޭނުން ނަހަމަ ގޮތުގައި ހިފުން ރާއްޖެއިން ކުށްވެރިކޮށް، ފަލަސްތީނަށް އިންސާފު ހޯދައިދިނުމަށް ދުނިޔޭގެ އެކި ކަންކޮޅުތަކުން ގޮވާލަމުން އަންނަ ގޮވާލުން އިތުރަށް ހަރުދަނާކުރިއެވެ.
