ދުނިޔޭގެ ޓްރެވަލް އެވޯޑްސްގައި ދެމެހެއްޓެނިވި ޓޫރިޒަމް އެވޯޑް ރާއްޖެއަށް ލިބިފައިވާކަމަށް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޗެއާޕާސަން އައިޝާ ނުރައިން ޖަނާހު ވިދާޅުވެއްޖެއެވެ.
މި އެވޯޑު ލިބިފައިވަނީ ދުބާއީގައި ބޭއްވި އަރަބިއަން ޓްރެވަލް މާކެޓް 2024 ގައި ބޭއްވި ވޯލްޑް ޓްރެވަލް އެވޯޑްސްގައި ރާއްޖެއަށް ހަތަރު އެވޯޑެއް ލިބިފައިވާ ދަނޑިވަޅެއްގައެވެ.
ރާއްޖެއަށް ލިބުންު ޝަރަފުތަކުގެ ތެރޭގައި އިންޑިއަން އޯޝަންސް ލީޑިން ޑެސްޓިނޭޝަން، ހަނީމޫން ޑެސްޓިނޭޝަން، ގްރީން ޑެސްޓިނޭޝަން އަދި 2024 ވަނަ އަހަރުގެ ޑައިވް ޑެސްޓިނޭޝަން ފަދަ ލަގަބުތައް ހިމެނެއެވެ. މިކާމިޔާބީތަކަކީ އެމްއެމްޕީއާރުސީން ކެމްޕެއިންތަކާއި އިވެންޓްތަކާއި ޓޫރިޒަމް އެޖެންޓުންނާ ގުޅިގެން ދުނިޔޭގެ ފެންވަރުގައި ރާއްޖެ އިޝްތިހާރުކުރުމަށް ކުރަމުންދާ ކެނޑިނޭޅި ކުރާ މަސައްކަތުގެ ސަބަބުން ލިބުނު ކާމިޔާބީތަކެއް ކަމަށް ނުރައިން ފާހަގަކުރެއެވެ.
އިންޑިއަން އޯޝަންސް ލީޑިން ގްރީން ޑެސްޓިނޭޝަންގެ ޗެމްޕިއަންކަން ރާއްޖެ ހޯދީ މަޑަގަސްކަރަގެ ހަތް އަހަރުގެ ސިލްސިލާ މުގުރާލައިގެންނެވެ. ދެ މިލިއަނަށްވުރެ ގިނަ ޓޫރިސްޓުން ގެނައުމަށް އަމާޒުހިފާފައިވާ ރާއްޖޭގެ ފަތުރުވެރިކަމުގެ ސިނާއަތް އިތުރަށް ކުރިއެރުވުމަށް އެމްއެމްޕީއާރުސީން ކުރާ މަސައްކަތްތަކުގެ މައްޗަށް ނޫރައިން ވަނީ އަލިއަޅުއްވާލައްވާފައެވެ. މި އީ ހަމައެކަނި ރާއްޖެއިން ދެމެހެއްޓެނިވި ގޮތެއްގައި ފަތުރުވެރިކަން ގާއިމްކުރަން ކުރާ މަސައްކަތް ރަމްޒުކޮއްދޭ ކަމެއްނޫންކަމަށާއި މިއީ ރާއްޖޭގެ ހޮސްޕިޓާލިޓީގެ ޚިދުމަތުގައި ފުރިހަމަކަންވެސް އަންގައިދޭކަމެއްކަމަށް ނޫރާއިން ވިދާޅުވިއެވެ.
