އިންޑިއާގެ މަސްބޯޓެއް ކަމަށްވާ "ހޮލީ ސްޕިރިޓް" އަށް ދިވެހި ސަރުކާރުން ކުރި 4.2 މިލިއަން ރުފިޔާގެ ޖޫރިމަނާ މައާފުކޮށްދިނުމުން އެ ބޯޓު ދޫކޮށްލައިފިއެވެ.
މިދިޔަ އޮކްޓޯބަރު މަހުގެ 23 ވަނަ ދުވަހު 12 މަސްވެރިންނާއެކު މޯލްޑިވްސް ނޭޝަނަލް ޑިފެންސް ފޯސްއިން އަތުލައިގަތް "ހޮލީ ސްޕިރިޓް" ހިފަހައްޓާފައިވަނީ ރާއްޖޭގެ ކަނޑުގެ ސަރަހައްދަށް އެތެރެވި ކަމުގެ ތުހުމަތުގައެވެ. އެ މައްސަލަ ބެލުމަށްފަހު ރާއްޖޭގެ މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރ އިން ވަނީ މިދިޔަ އޮކްޓޯބަރު މަހުގެ 28 ވަނަ ދުވަހު ދޯނީގެ ވެރިފަރާތަށް ނޯޓިސް ފޮނުވާފައެވެ.
4.2 މިލިއަން ދިވެހި ރުފިއްޔާގެ ބޮޑު ޖޫރިމަނާއަކީ ރާއްޖޭގެ އެކްސްކްލޫސިވް އިކޮނޮމިކް ޒޯނަށް ވަނުމާއި، މަސްވެރިކަން ކުރުން މަނާ ގޮތްތައް ބޭނުންކުރުމާއި، ލައިސަންސް ނެތި މަސްވެރިކަން ކުރުމާއި، މަނާ މަހުގެ ބާވަތްތައް ހިފުންފަދަ ގަވާއިދާ ހިލާފުވުމުގެ ސަބަބުންނެވެ.
އެ ކުންފުނީގެ ވެރިފަރާތުން އިސްތިއުނާފު ކުރި ނަމަވެސް ޖޫރިމަނާ ކުޑަކުރުމަށް ނުވަތަ މައާފުކޮށްދިނުމަށް މިނިސްޓްރީން ފުރަތަމަ ދެކޮޅު ހެދި އިރު، ޖޫރިމަނާ ދަމަހައްޓައި، ނޮވެމްބަރު މަހުގެ 13 ވަނަ ދުވަހު ވަނީ އިސްލާހު ކޮށްފައިވާ ނޯޓިސް އެއް ނެރެފައެވެ. އެހެން ނަމަވެސް، އޭގެ ބަދަލުގައި ފިޝަރީޒް މިނިސްޓްރީން ވަނީ ސިވިލް ކޯޓުގައި އެ މީހުންގެ ވާހަކަ އަނބުރާ ގެންގޮސްފަ އެވެ.
މިދިޔަ ބުރާސްފަތި ދުވަހު ފިޝަރީޒް މިނިސްޓްރީން އެ މިނިސްޓްރީން ކުރި ދައުވާ ބާތިލްކުރަން އެދުމުން ސިވިލް ކޯޓުން ވަނީ ޖޫރިމަނާ މައާފުކޮށްދީ "ހޯލީ ސްޕިރިޓް" އާ އެއްކޮޅަށް ހުކުމްކޮށްފައެވެ. މި ބޯޓު ރާއްޖެއިން ފުރާފައިވަނީ މިމަހުގެ 17 ވަނަ ދުވަހުއެވެ.
